حضرت ابُوہریرہ رَضِیَ اللہُ  عَنْہُ سے مروی ہے رحمتِ کونین ،دُکھی دِلوں کے چین صَلَّی اللہُ  عَلَیْہِ واٰلِہٖ وَسَلَّمَ  کافرمانِ عالیشان ہے :”جب اللہ پاک نےجنَّت اوردوزخ کو پیدا کیا توحضرت جبرائیل عَلَیْہِ السَّلَام کو جنَّت کی طرف بھیجا اور اِرْشاد فرمایا: جنَّت اوراس کی اُن نعمتوں کودیکھو جومیں نے اَہْلِ جنَّت کے لئے تیارکی ہیں۔ حُضُورنبیِ کریم صَلَّی اللہُ  عَلَیْہِ واٰلِہٖ وَسَلَّمَ اِرْشاد فرماتے ہیں: توحضرت جبرائیلعَلَیْہِ السَّلَام جنَّت میں آئے ،جنَّت اوراَہلِ جنَّت کے لئے اللہ پاک کی تیارہ کردہ نعمتیں دیکھ کر اللہپاک کی بارگاہ میں حاضرہوئے اور عرض کی:تیرے عزّت وجَلال کی قسم!جو بھی اس جنَّت کے بارےمیں سُنےگاوہ ضروراس میں داخل ہونے کی کوشش کرے گا ۔پس اللہ پاک نے حکم فرمایااور جنَّت کو مَشقّتوں اورتکالیف سے ڈھانپ دیاگیا۔پھر اللہ پاک نے حضرت جبرائیل عَلَیْہِ السَّلَام سے فرمایا:دوبارہ جاؤ جنَّت اور اس کی نعمتوں کو دیکھو،جومیں نے جنّتیوں کے لئے تیارکی ہیں۔ حُضُور نبی ِپاک صَلَّی اللہُ  عَلَیْہِ واٰلِہٖ وَسَلَّمَ اِرْشادفرماتے ہیں:حضرت جبرائیل عَلَیْہِ السَّلَام دوبارہ جنَّت میں گئے  تو کیا دیکھا کہ اس کومشقّتوں اور تکالیف سے ڈھانپ دیا گیا ہے، حضرت جبرائیلِ امین عَلَیْہِ السَّلَام نے اللہ پاک کی بارگاہ میں حاضر ہوکر عرض کی: اے  اللہ ! تیرے عزّت وجَلال کی قسم! مجھے ڈر ہے کہ اب اس میں کوئی بھی داخل نہیں ہوسکے گا۔ پھر اللہپاک نے اِرْشاد فرمایا: اب دوزخ کی طرف جاؤ اور دوزخ اوراس کے عذابات کودیکھو،جومیں نے اَہلِ دوزخ کے لئے تیار کئے ہیں۔حضرت جبرائیل عَلَیْہِ السَّلَام نے جاکر دیکھا کہ دوزخ (کی آگ)کا ایک حصّہ دوسرے پر چڑھ رہا ہے تو اللہ پاک کی بارگاہ میں حاضرہو کر عرض کی:اے اللہ !تیرے عزّت وجَلال کی قسم ! کوئی بھی ایسانہیں جو جہنَّم (کی سختی ) کے بارے میں سُنے اوراس میں داخل ہو(یعنی بچنے کی کوشش کرے گا )پس اللہ پاک کے حکم سے جہنَّم کو  خواہشات و