پۀ دې باندې پۀ توجه سره ځان پوهه کړئ!

د سَدَل لفظي معنیٰ ده: زوړندول۔ پۀ شريعت کښې کپړه د رائج اِستعمال خلاف زوړندولو ته سَدَل وئيلے شي۔ ^([1]) مثلاً * د جيکټ يا د واسکټ لستوڼي د اچولو نه بغير داسې پۀ اوګو باندې کيښودل، سَدَل دے * داسې څادر يا شال وغيره پۀ اوګو باندې داسې زوړندول چې د دې دواړه ګوټونه زوړند وي۔ دا هم سَدَل دے۔ ^([2]) آؤ! که د څادر يو سر له غوټه ورکړې او پۀ بله اوګه باندې يـې واچوې نو دا سَدَل نۀ دے۔ ياد ساتئ چې پۀ نـمونځ کښې سَدَل مکروهِ تحريمي (او ګناه) ده او د دې سره نـمونځ واجبُ الاِعَادَه کيږي (يعنې داسې نـمونځ بيا کول واجِب دي)۔ ^([3])

الله پاک دې مونږ ته د صحيح اِسلامي حکمونو د زده کولو او پۀ هغې باندې د عمل کولو توفيق راعطا کړي۔ اٰمِین بِجَاہِ خَاتَمِ النَّبِیِّيْن  صَلَّى اللهُ عَلَيْهِ وَاٰلِهٖ وَسَلَّم ۔

صَلُّوا عَلَی الْحَبیب!                             صَلَّی اللّٰہُ عَلٰی مُحَمَّد

د اَسمَاءُ الـحُسنیٰ برکتونه (وظيفه)

يَا وَاحِدُ

څوک چې يواځې ويريږي نو هغه دې پۀ تنهايۍ کښې يَا وَاحِدُ 1001 کرته ولولي                          اِنْ شَآءَ اللہُ الْکَرِیم! د هغۀ د زړۀ نه به ويره لاړه شي۔ ^([4])

الله پاک دې مونږ ته د عمل کولو توفيق راعطا کړي۔

 اٰمِین بِجَاہِ خَاتَمِ النَّبِیِّيْن  صَلَّى اللهُ عَلَيْهِ وَاٰلِهٖ وَسَلَّم  ۔

صَلُّوا عَلَی الْحَبیب! صَلَّی اللّٰہُ عَلٰی مُحَمَّد