سوالونه (5): بيا د قبر تنهائي (6): بيا د حشر ميدان (7): بيا پل صراط۔ هم د دې ټولو مرحلو نه پۀ تيريدو مونږ جَنَّت ته رسيدے شو۔  

او د مزې خبره دا ده چې دُرُودِ پاک هٰغه د ټولو نه اعلیٰ نيکي ده، د کوم پۀ ذريعه چې پۀ دې ټولو مرحلو کښې اساني نصيب کيږي۔ دا د دُرُودِ پاک پۀ برکتونو کښې دي چې * د دُرُود شريف د لوستونکي رُوح پۀ اسانۍ سره قبض کيږي * د دُرُود شريف لوستونکي سره نَکِيرَين (يعنې پۀ قبر کښې د سوال کوونکې فرښتے) نرمي اِختياروي * د دُرُود شريف د لوستونکي د قبر د تنهايۍ او د وحشت نه نجات نصيب کيږي * دُرُودِ پاک لوستونکے به د قيامت پۀ ورځ پۀ امن او پۀ سکون کښې وي * د دُرُودِ پاک د لوستونکي به د قيامت پۀ ټولو مرحلو کښې اساني نصيب کيږي * دُرُودِ پاک لوستونکي ته به پۀ پل صراط باندې نُور عطا کولے شي۔ خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم  فرمائيلي دي: ما (پۀ خوب کښې) يو کَس وليدو کوم چې پۀ پل صراط لړزيدو، راښکلے کيدو، پۀ دې کښې پۀ ما باندې لوستلے شوے دُرُود راغلو، هغه يـې د لاس نه ونيولو او جَنَّت ته ورسولو  ^([1])

 سُبْحٰنَ اللہ! خوږو او محترمو اِسلامي وروڼو! غور اوکړئ چې څومره عظيمه نيکي ده۔ د دُنيا د هرې پريشانۍ حل هم پۀ دې کښې دے، د اخرت د هر غم حل هم پۀ دې کښې دے، که د رَبّ رضا غواړې نو هغه هم پۀ دُرُودِ پاک کښې ميلاؤيږي، که د الله پاک خوږ محبوب     صَلَّى اللهُ عَلَيْهِ وَاٰلِهٖ وَسَلَّم  ته نزدې کيدل غواړې نو هغه هم پۀ دُرُودِ پاک کښې ميلاؤيږي خو۔۔۔!! څومره د محرومۍ خبره ده، مونږ د دُرُودِ پاک طرف ته هډو توجه نۀ کوو۔ * پريشانۍ دي   * دردونه دي * غمونه دي * ژړيږو سلګۍ وهو * پريشانو راله ويښته بالکل سپين کړل * د شپې خوبونه * د ورځې سکون مو برباد شو * کاروبارونه مو ودريدل۔ د دې ټولو پريشانو حل مونږ ته معلوم دے او ډير اسان حل دے، صَلَّ اللہُ عَلٰی مُحَمَّد پۀ يو سيکنډ