سره شوق ځکه دے چې جَنَّت د خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم  د نُور نه جوړ کړے شوے دے، که پۀ حقيقت کښې وکتلے شي نو هر څيز د خوږ مصطفٰے  صَلَّى اللهُ عَلَيْهِ وَاٰلِهٖ وَسَلَّم  د نُور نه جوړ دے، آو جي! پۀ حديثِ پاک کښې دي: اَوَّلُ مَا خَلَقَ اللہُ نُورِیْ، وَ کُلُّ شئٍ خُلِقَ مِنْ نُوْرِی الله پاک د ټولو نه وړومبے زما نُور جوړ کړو او هر څيز هُم زما د نُور نه جوړ کړے شوے دے۔ ^([1])

سُبْحٰنَ اللہ! چې جَنَّت د خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم  د نُور نه جوړ شو نو د دُرُودِ پاک ډير زيات شوق لري مونږ خو هم د دې نُور نه جوړ کړے شوي يو، مونږ له هم پکار دي چې د دُرُودِ پاک سره محبت اوکړو او ښۀ پۀ شوق او ذوق سره دُرُودِ پاک لولو۔

د خوږ مصطفٰے  صَلَّى اللهُ عَلَيْهِ وَاٰلِهٖ وَسَلَّم  د بنده جوړيدو طريقه

پۀ قرآنِ کريم کښې يو ډير د تسلۍ والا آيت دے، اِرشاد دے:

لَا تَقْنَطُوْا مِنْ رَّحْمَةِ اللّٰهِؕ-اِنَّ اللّٰهَ یَغْفِرُ الذُّنُوْبَ جَمِیْعًاؕ-(پارہ:24، سورۀ الزمر:53)

ترجمهٴ کنزُ العِرفان: د الله د رحمت نه مۀ نا اُميده کيږئ، بے شکه الله ټول ګناهونه بخښي۔

دا څومره اِيمان تازه کوونکے آيت دے، د اِنسان ګناهونه که دومره وي چې د هغې نه زمکه او اسمان ډک شي، دومره لوئي لوئي ګناهونه وي، د دې باوجود هغه له اُميد ورکړے شو، تسلي ورکړے شوه چې مۀ ويريږه، د الله پاک د رحمت نۀ مۀ مايوسه کيږه! بے شکه الله پاک ټول ګناهونه بخښي۔

دا څومره اِيمان تازه کوونکے آيت دے او څومره د تسلۍ ورکولو والا دے چې څومره هم ګنهګار يـې نو د مايوسه کيدو ضرورت نشته، الله پاک بخښونکے دے۔ خو دلته د