عزرائيله (عَلَیْهِ السَّلَام)! دا د مخکښينو وروستنو سردار، محبوبِ رَبِّ غفار حضرت مُحَمَّد مصطفٰے صَلَّى اللهُ عَلَيْهِ وَاٰلِهٖ وَسَلَّم دے. دا يـې چې واوريدل نو حضرت ملک المَوت عَلَیْهِ السَّلَام راپاڅيدو، د رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم سره يـې سلام اوکړو، د رسول الله صَلَّى اللهُ عَلَيْهِ وَاٰلِهٖ وَسَلَّم سره يـې د غاړې ميلاوهلو سعادت حاصل کړو او د محبت نه يـې د  نبي کريم صَلَّى اللهُ عَلَيْهِ وَاٰلِهٖ وَسَلَّم تندے ښکل کړو او د ځان پۀ خوا کښې يـې د تشريف فرما کيدو خواست اوکړو. بيا يـې عرض اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! څۀ اِراده لرئ (يعنې زما د پاره څۀ حُکم دے؟) خوږ نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم وفرمائيل: دا چې کومه تخته ستاسو مخې ته ايښودے شوې ده، دا څۀ دي؟ عرض يـې اوکړو: الله پاک د ټول مخلوق رُوحونه زما پۀ قبضه کښې راکړي دي، پۀ دې تخته باندې د هغې تفصيل ليکلے شوے دے، د دې پۀ ذريعه زۀ د هغې حساب لرم.

خوږ آقا، محبوبِ خُدا صَلَّى اللهُ عَلَيْهِ وَاٰلِهٖ وَسَلَّم ترينه پوښتنه اوکړه: دا دومره غټه ونه څۀ دي؟ عرض يـې اوکړو: د دې ونې پاڼې د مخلوق د شميرې همره دي، داسې هيڅ يو اِنسان نشته د کوم د نوم پاڼه چې پۀ دې ونه کښې نۀ وي، کله چې څوک بيمار شي نو د هغه د نوم پاڼه زيړه شي، د هغې نه ما ته معلومه شي چې فلانکے اِنسان بيمار دے. بيا هغوئي يو لوښے وښودلو او عرض يـې اوکړو: کله چې پاڼه زيړه شي نو زۀ د دې لوښي اوبه پۀ دې باندې ترمکيا کړم، که پاڼه خپل اصلي حالت ته راشي نو مطلب دا چې هٰغه اِنسان به شِفا بيامومي، که پاڼه مخکښيني رنګ ته رانشي بلکې توره شي نو ما ته معلومه شي چې د هغۀ د مرګ وخت راغلے دے. زۀ دې پاڼې ته ګورم، کله چې هغه د ونې نه راورژيږي نو مطلب چې د هغه د مرګ وخت راغلے دے، بيا که هٰغه اِنسان نيک وي نو زۀ د هغۀ خوا له پۀ ښۀ شکل او حالت کښې لاړ شم او د هغۀ رُوح قبض کړم او پۀ راحت او خوشبو کښې يـې کيږدم، که هغه ګنهګار وي نو د هغه خوا له پۀ خطرناک