Book Name:Qabar Ke Sathi
د حضرت خالد بن مَعدَان رَحْمَةُ اللهِ عَلَيْه نه روايت دے چې سورۀ سجده شريف به پۀ قبر کښې د خپل لوستونکي پۀ باره کښې جګړه کوي او عرض به کوي چې: يا الله پاکه! که زۀ ستا د کتاب نه يم نو د دۀ پۀ باره کښې زما سفارش قبول کړې او که زۀ ستا د کتاب نه نۀ يم نو ما د خپل کتاب نه ختم کړې. سورۀ سجده شريف به د مرغۍ پۀ شان وي او خپلې وَزَرې به پۀ لوستونکي باندې راخورې کړي، د هغه پۀ حق کښې به سفارش کوي او هغه به د قبر د عذاب نه بچ کوي. ([1])
(12): د سورۀ زِلزال شريف د لوستلو برکتونه
د حضرت عبد الله بن عباس رَضِىَ اللهُ عَـنْهما نه روايت دے: چا چې د جُمعې پۀ ورځ د ماښام د نـمونځ نه پس دوه رکعته نـمونځ اوکړو او پۀ هر رکعت کښې يـې د سورۀ فاتحه شريف نه پس سورۀ زِلزال شريف 15 کرته ولوستو نو الله پاک به د ساه وتو پۀ وخت پۀ هغه باندې نرمي فرمائي، او هغه به د قبر د عذاب نه محفوظ کړي([2])
(13): د سورۀ اِخلاص شريف د لوستلو فائده
رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم فرمائيلي دي: چا چې پۀ مرض المَوت کښې سورۀ اِخلاص شريف ولوستو نو هغه به د قبر د فتنې او د هغې د زورولو نه محفوظ اوسي. ([3])