Book Name:Qabar Ke Sathi
مستقبل ته رسيږو که نۀ به رسيږو، د دې نه څوک هم خبر نۀ دي، خو مونږ به قبر ته ضرور کوزيږو، د خپلو اعمالو سره به کوزيږو، د دې نه هر مسلمان خبر دے. ځکه ضروري دي چې مونږه نن او هم د اوس نه د خپلو اعمالو فِکر شروع کړو.
يو ځل حضرت عثمان بن ابو عاص رَضِىَ اللهُ عَـنْهُ د يوې جنازې سره هديرې ته تشريف يوړلو، د هغوئي سره يو ځلمے هم وو، هٰغه ځلمے پۀ څۀ غفلت کښې وو. نو هٰغه قبر کوم چې د مړي د پاره تيار کړے شوے وو، حضرت عثمان بن ابو عاص رَضِىَ اللهُ عَـنْهُ د هٰغه قبر طرف ته اشاره اوکړه او هٰغه ځلمي ته يـې وفرمائيل: خپل کور ته وګورۀ! ځلمي قبر ته وکتل. حضرت عثمان بن ابو عاص رَضِىَ اللهُ عَـنْهُ پوښتنه اوکړه: څۀ درته ښکاري؟ اوئې وئيل: يو تنګ او تيارۀ کور دے، پۀ کوم کښې چې نۀ خوراک شته، نۀ اوبه، نۀ کور والا خو زما د دُنيا پۀ کور کښې خوراک هم شته، اوبه هم شته، کور والا هم دي. حضرت عثمان بن ابو عاص رَضِىَ اللهُ عَـنْهُ وفرمائيل: تا رښتيا ووئيل: پۀ خُدائے مې دې قَسم وي! که تۀ نن واپس خپل د دُنيا کور ته هم وګرځيدلې، نو بيا به هم تا ته دې تنګ او تيارۀ کور ته راتلل وي (ځکه بهتره دا ده چې د دې کور د پاره د اوس نه تياري اوکړې!). ([1])
خوږو او محترمو اِسلامي وروڼو! يقيناً چې علقمند هم هغه دے څوک چې قبر ته د کوزيدو نه مخکښې د قبر تياري اوکړي، هلته پۀ کار راتلونکي اعمال د مخکښې نه جمع کړي، راځئ چې يو څو داسې نيک اعمال عرض کړم کوم چې زمونږ د قبر ملګري دي، زمونږ به پۀ قبر کښې پۀ کار راځي، د قبر د وحشت او د تنهايۍ نه به مونږ بچ کوي.