سير فرمائي رھيا ھئا ته ان دوران چوٿين آسمان تي پاڻ ڪريم صَلَّى اللهُ عَلَيْهِ وَاٰلِهٖ وَسَلَّم ھڪ فرشتي کي ويٺل ڏٺائون، ھڪ وڏي تختي سندس اڳيان رکيل ھئي، ويجھو ئي ھڪ وڏو وڻ ھو، جنھن جون ٽاريون اوڀر کان اولهه (East to West) تائين پکڙيل ھيون، اھو فرشتو ان وڻ ڏانھن غور سان ڏسي رھيو هو، پياري آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم حضرت جبرائيل اَمين عَلَیْهِ السَّلَام  کان پڇيو: ھي فرشتو ڪير آھي؟ 

حضرت جبرائيل اَمين عَلَیْهِ السَّلَام  عرض ڪيو: يارسول الله صَلَّى اللهُ عَلَيْهِ وَاٰلِهٖ وَسَلَّم! ھي  * لذتن کي مٽائڻ وارو،  * دوستن کي جدا ڪرڻ وارو * عورتن کي بيواهه  * ۽ ٻارن کي يتيم بڻائڻ وارو  * وڏن وڏن محلن (Palaces) کي ويران ڪرڻ وارو  * ۽ قبرستان کي آباد ڪرڻ وارو يعني ملڪ الموت حضرت عزرائيل عَلَیْهِ السَّلَام  آھي. 

پوءِ حضرت جبرائيل اَمين عَلَیْهِ السَّلَام  حضرت ملڪ الموت عَلَیْهِ السَّلَام  کي چيو: اي عزرائيل (عَلَیْهِ السَّلَام)! ھي اڳين ۽ پوين جا سردار، محبوبِ ربِّ غفار حضرت محمد مصطفيٰ صَلَّى اللهُ عَلَيْهِ وَاٰلِهٖ وَسَلَّم آھن۔ اِھو ٻڌي حضرت ملڪ الموت عَلَیْهِ السَّلَام     اٿيا، رسولِ اڪرم، نور مجسم صَلَّى اللهُ عَلَيْهِ وَاٰلِهٖ وَسَلَّم کان سلام ورتائون، پاڻ         صَلَّى اللهُ عَلَيْهِ وَاٰلِهٖ وَسَلَّم سان ڳلي ملڻ جي سعادت حاصل ڪيائون ۽ محبت جي جذبي ۾ شرشار ٿي پاڻ ڪريم صَلَّى اللهُ عَلَيْهِ وَاٰلِهٖ وَسَلَّم جي پيشاني مبارڪ چمي کين پنهنجي ڀرسان ويھڻ جي درخواست ڪيائون۔ پوءِ عرض ڪيائون: يارسول الله صَلَّى اللهُ عَلَيْهِ وَاٰلِهٖ وَسَلَّم! ڇا ٿا چاهيو؟ (يعني منھنجي لاءِ ڪھڙو حڪم آھي؟) پياري نبي، رسول ہاشمي صَلَّى اللهُ عَلَيْهِ وَاٰلِهٖ وَسَلَّم فرمايو: ھيءَ جيڪا تختي توھان جي اڳيان رکيل آھي، اِھا ڇا آھي؟ عرض ڪيائين: الله پاڪ سموري مخلوق جا روحَ منھنجي قبضي ۾ ڏنا آھن، ھن تختي تي انھن جي تفصيل(Details) لکيل آھي، هِن جي ذريعي مان انھن جو حساب رکندو آھيان۔ 

پياري آقا، محبوبِ خدا صَلَّى اللهُ عَلَيْهِ وَاٰلِهٖ وَسَلَّم پڇيو: ھي ايڏو وڏو وڻ ڇا آھي؟ عرض ڪيائين: ھن وڻ جا پن مخلوق جي تعداد برابر آھن، ڪو به انسان اهڙو نه آھي جنھن جي نالي جو پَنُ ھن وڻ ۾ نه ھجي، جڏھن ڪو انسان بيمار ٿيندو