بيان ٻڌڻ جون نيتون

حديثِ پاڪ ۾ آهي: اِنَّمَا الْاَعْمَالُ بِالنِّیَّات (عملن جو دارومدار نيتن تي آهي.^)[1](

اي عاشقانِ رسول! سٺين سٺين نيتن سان عمل جو ثواب وڌي ويندو آهي. اچو! بيان ٻڌڻ کان پهريان ڪجهه سٺيون سٺيون نيتون ڪري وٺون، نيت ڪريو!  * الله پاڪ جي رضا جي لاءِ بيان ٻڌندس  * بَاادب ويهندس  * خوب تَوَجُّه سان بيان ٻڌندس  * جيڪو ٻڌندس، ان کي ياد رکڻ، پاڻ عمل ڪرڻ ۽ ٻين تائين پهچائڻ جي ڪوشش ڪندس.

صَلُّوْا عَلَی الْحَبیب!     صَلَّی اللّٰہُ عَلٰی مُحَمَّد

اي عاشقانِ رسول! اڄ شعبان شريف جي 15 هين رات يعني شبِ براءَت آھي  * تمام گهڻين برڪتن واري  * عظمتن واري  * ڀلاين واري رات آھي  * اڄ جي رات دعائون قبول ٿينديون آهن  * روزي تقسيم ڪئي ويندي آهي  * ۽ سموري سال جي رزق جو اڄ جي رات فيصلو ٿيندو آهي. حديث پاڪ ۾ آھي: جڏھن شعبان جي وچ واري (يعني 15 هين) رات اچي ته ان رات قيام (يعني عبادت) ڪريو ۽ ڏينھن جو روزو رکو، بيشڪ ان رات سج لهڻ سان ئي الله پاڪ پنھنجي شان جي لائق دنيا جي آسمان تي تجلي فرمائيندو آهي ۽ ارشاد فرمائيندو آهي  * اَلَا مِنْ مُسْتَغْفِرٍ لِيْ فَاَغْفِرَ لَہٗ  آهي ڪو مون کان مغفرت گھرڻ وارو ته مان کيس معاف ڪريان  * اَلَا مُسْتَرْزِقٌ فَاَرْزُقَہٗ  آهي ڪو رزق گھرڻ وارو ته مان کيس رزق عطا ڪريان  * اَلَا مُبْتَلٰی فَاُعَافِيَہٗ آهي ڪو پريشان حال ته مان سندس پريشاني دور ڪريان، آهي ڪو اهڙو، آهي ڪو اهڙو، فجر تائين اِهو اعلان ٿيندو رھندو آهي.^([2])

کِشْتِ اُمِّیْد پہ ہے فَضْلِ خُدا آج کی رات               ہر طرف چھائی ہے رحمت کی گھٹا آج کی رات