اَلْحَمْدُ لِلّٰہ!  دعوتِ اسلامي جي تحت سڄي دنيا ۾ هزارين جاين تي آخري ڏهاڪي جو اجتماعي سنت اعتڪاف ڪرايو ويندو آهي. ان سان گڏوگڏ سڄي مهيني جو اعتڪاف به ٿيندو آهي. هن ڀيري سڄي پاڪستان ۾ 29 هنڌن تي جڏهن ته سڄي دنيا ۾ 130 هنڌن تي سڄي مهيني جو اعتڪاف ٿي رهيو آهي. توهان به سڄي مهيني جو اعتڪاف ڪرڻ جي سعادت حاصل ڪريو! بلڪه عالمي مدني مرڪز فيضانِ مدينه (ڪراچي) ۾ اعتڪاف ڪريو! ڇو ته اُتي وقت جي ڪامل ولي شيخِ طريقت، امير اهل سنت مولانا محمد الياس قادري دَامَتْ بَرَکَاتُہُمُ الْعَالِیَه  سان گڏ اعتڪاف ڪرڻ جي سعادت ملندي ته ان جون برڪتون ئي الڳ هونديون۔ اِنْ شَآءَ اللہُ الْکَرِیْم! رمضان شريف ۾ گناھن کان بچڻ، نيڪيون ڪرڻ، نفلي عبادتن جو شوق وڌڻ سان گڏوگڏ تمام گھڻو علمِ دين سکڻ جي لاءِ ملندو۔

شعبان جي روزن جي فضيلت

 پيارا اسلامي ڀائرو! اَلْحَمْدُ لِلّٰہ! شعبان شريف جاري آهي. هي مهينو وڏين برڪتن ۽ عظمتن وارو آهي، پيارا آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم  هن مهيني ۾ ڪثرت سان نفل روزا رکندا هئا. مسلمانن جي پياري امڙ حضرت عائشه صديقه رَضِىَ اللهُ عَنْهُا فرمائن ٿيون: مون پياري آقا، مڪي مدني مصطفيٰ    صَلَّى اللهُ عَلَيْهِ وَاٰلِهٖ وَسَلَّم کي شعبان شريف کان وڌيڪ ڪنهن به مهيني ۾ روزا رکندي نه ڏٺو، پاڻ سڳورا صَلَّى اللهُ عَلَيْهِ وَاٰلِهٖ وَسَلَّم چند ڏينهن کانسواءِ سڄي مهيني جا روزا رکندا هئا. ^([1]) (4): هڪ ڀيرو پاڻ سڳورن صَلَّى اللهُ عَلَيْهِ وَاٰلِهٖ وَسَلَّم جي خدمت ۾ سوال ڪيو ويو: رمضان کانپوءِ ڪهڙا روزا افضل آهن؟ فرمايائون: رمضان جي تعظيم لاءِ شعبان جا روزا رکڻ. ^([2])

پيارا اسلامي ڀائرو! اِنْ شَآءَ اللہُ الْکَرِیْم! سڀاڻي 15 شعبان شريف آهي. خوش نصيب اسلامي ڀائر 15 شعبان جو روزو رکڻ جي سعادت حاصل ڪن. اسان جي پياري آقا، مديني واري مصطفيٰ صَلَّى اللهُ عَلَيْهِ وَاٰلِهٖ وَسَلَّم جن فرمايو: جڏهن شعبان