قَبَرَ جا ساٿِي

يمن ۾ جڏھن ماڻھو هڪ مردي کي دفن ڪري واپس ٿيڻ لڳا ته انھن قبر مان مارڻ ڪُٽِڻ جو آواز ٻڌو۔ پوءِ اوچتو قبر مان هڪ ڪارو ڪتو ظاهر ٿيو، هڪ شخص پڇيو: تون ڪير آهين؟ هن جواب ڏنو: مان ميت جو برو عمل آهيان۔ پڇيو ويو: مارَ ڪُٽَ توکي ٿي رهي هئي يا ان مردي کي؟ هن چيو: مون کي ئي ٿي رهي هئي، ڇوته سورت يٰس شريف ۽ ٻيون سورتون وٽس موجود هيون، اُهي منھنجي ۽ ان جي وچ ۾ حائل ٿي ويون ۽ مون کي ماري ڀڄايائون.^{(^[1])}

(11): سورت سجدھ شفاعت ڪندي

حضرت خالد بن معدان رَحْمَةُ الـلّٰـهِ عَـلَيْه کان روايت آهي ته سورت سجدھ شريف قبر ۾ پنھنجي پڙھڻ واري جي باري ۾ جهيڙو ڪندي ۽ عرض ڪندي: يا الله پاڪ! جيڪڏھن مان تنھنجي ڪتاب مان آهيان ته ان جي حق ۾ منھنجي سفارش قبول فرماءِ ۽ جيڪڏھن مان تنھنجي ڪتاب مان نه آهيان ته مون کي پنھنجي ڪتاب مان مٽائي ڇڏ۔ سورت سجدھ شريف پکيءَ وانگر هوندي ۽ پنھنجا پَرَ پڙھڻ واري جي مٿان ڦهلائي ڇڏيندي، سندس حق ۾ شفاعت ڪندي ۽ کيس قبر جي عذاب کان بچائيندي۔ ^{(^[2])}

(12): سورت زِلزَال شريف پڙهڻ جون برڪتون

حضرت عبدالله بن عباس رَضِیَ اللهُ عَنْہُ کان روايت آهي: جنھن جمعي جي ڏينھن مغرب کان پوءِ 2 رڪعتون نماز پڙھي ۽ هر رڪعت ۾ سورت فاتحه شريف کان پوءِ سورت زِلزال شريف 15 ڀيرا پڙھي، ته الله پاڪ ان تي ساھ نڪرڻ جي وقت نرمي عطا فرمائيندو ۽ کيس عذابِ قبر کان محفوظ فرمائيندو.^{(^[3])}

[1]... شرح الصدور، الباب الخامس و الثلاثون...الخ، صفحہ:134، رقم:11۔

[2]...در منثور، پارہ:21، سورۂ سجدہ، جلد:6، صفحہ:535۔

[3]...الترغیب للاصفہانی ، جلد:1، صفحہ:522، حدیث:946۔

Important

Mobile Apps

Contact Us