قَبَرَ جا ساٿِي

Al Quran Books Madani Channel

Magazine Courses Media

مسلمانن جي ٻئي خليفي حضرت عمر فاروق اعظم رَضِیَ اللهُ عَنْہُ کان روايت آهي ته جنھن الله پاڪ جي مسجدن کي روشن ڪيو، الله پاڪ ان جي قبر کي روشن فرمائيندو ۽ جنھن انهن ۾ خوشبوئون رکيون ته الله پاڪ جنت ۾ ان جي لاءِ خوشبو مهيا ڪندو.^{(^[1])}

(8) مريضن جي عيادت ڪرڻ

مسلمانن جي پھرين خليفي حضرت ابو بڪر صديق رَضِیَ اللهُ عَنْہُ کان روايت آهي: الله پاڪ جي سڀني کان آخري نبي، مڪي مدني صَلَّى اللهُ عَلَيْهِ وَاٰلِهٖ وَسَلَّم فرمايو: حضرت موسيٰ عَلَیْهِ السَّلَام الله پاڪ کي عرض ڪيو ته مريض جي عيادت ڪرڻ واري کي ڪھڙو اجر ملندو؟ ته الله پاڪ فرمايو: ان جي لاءِ 2 فرشتا مقرر ڪيا ويندا جيڪي قيامت تائين روزانو سندس قبر ۾ عيادت ڪندا رهندا.^{(^[2])}

(9): سورة مُلڪ پڙهڻ جو انعام

حضرت عبد الله بن مسعود رَضِیَ اللهُ عَنْہُ کان روايت آهي: جڏھن ٻانهو قبر ۾ ويندو * ته عذاب سندس پيرن جي طرف کان ايندو ته ان جا پير چوندا: تنھنجي لاءِ منھنجي طرف کان ڪو رستو نه آهي، ڇو ته هي رات جو سورت ملڪ شريف پڙھندو هو * پوءِ عذاب سندس سيني يا پيٽ جي طرف کان ايندو ته هُو چوندو ته تنهنجي لاءِ منھنجي طرف کان ڪو رستو نه آهي، ڇو ته هي رات جو سورت ملڪ شريف پڙھندو هو * پوءِ اهو ان جي مٿن کان ايندو ته سندس مٿو چوندو ته تنهنجي لاءِ منھنجي طرف کان ڪو رستو نه آهي، ڇو ته هي رات جو سورت ملڪ شريف پڙھندو هو۔ يعني اِها سورت روڪڻ واري آهي، قبر جي عذاب کي روڪيندي آهي، تورات ۾ ان جو نالو سُورت مُلڪ آهي. جيڪو ان کي رات جو پڙھندو آهي اُهو تمام بهترين ۽ سٺو عمل ڪندو آهي.^{(^[3])}

[1]... شرح الصدور، الباب الواحد و الثلاثون...الخ، صفحہ:116، رقم:11۔

[2]... شرح الصدور، الباب الواحد و الثلاثون...الخ، صفحہ:116، رقم:12۔

[3]... مستدرک ،کتاب التفسیر ، باب المانعۃ من عذاب القبر ، جلد:3، صفحہ: 322، حدیث:3892۔

Important

Mobile Apps

Contact Us