مهينو آهي، ان ۾ خير ۽ برڪت جي برسات ٿيندي آهي. طيب و طاهر نبي، رسول هاشمي صَلَّى اللهُ عَلَيْهِ وَاٰلِهٖ وَسَلَّم فرمايو: شَعْبَانُ الْمُطَہِّرُ وَرَمَضَانُ الْمُکَفِّرُ شعبان، پاڪ ڪرڻ وارو آهي ۽ رمضان ڪَفَّارو آهي.^[1]

شعبان شريف جون ڪجھ اهم عبادتون

    پيارا اسلامي ڀائرو! شعبان شريف جون ڪيتريون ئي خاص عبادتون آهن، مثال طور * شعبان شريف کي شَهْرُ الْقُرَّاء يعني تلاوت ڪندڙن جو مهينو چيو ويو آهي.^[2] تنهنڪري هن مهيني ۾ تلاوت جي ڪثرت ڪرڻ گهرجي * پيارا آقا، مڪي مدني مصطٰفيٰ صَلَّى اللهُ عَلَيْهِ وَاٰلِهٖ وَسَلَّم شعبان شريف ۾ ڪثرت سان نفلي روزا رکندا هئا.^[3] ان ڪري هن مهيني ۾ نفلي روزن جي ڪثرت ڪرڻ گهرجي * اهڙي طرح هن مبارڪ مهيني ۾ توبھ ۽ استغفار جي به ڪثرت ڪرڻ گهرجي * ۽ شعبان شريف جي هڪ اهم ترين عبادت درودِ پاڪ پڙهڻ به آهي. هونئن ته درودِ پاڪ زندگي ڀر جو وظيفو آهي، اسان جي روزاني جي معمولات ۾ درودِ پاڪ جي ڪثرت شامل رهڻ گهرجي ۽ سڄو سال ئي درود پڙهڻ گهرجي، البت هاڻي شعبان شريف جو مبارڪ مهينو آهي ۽ سُبْحٰنَ اللہ! شعبان شريف جي عظمتن، ان جي رفعتن ۽ برڪتن جو ڇا چئجي! هن مهيني کي محبوب رحمان، سلطان دوجها صَلَّى اللهُ عَلَيْهِ وَاٰلِهٖ وَسَلَّم پنهنجي طرف نسبت ڪري منهنجو مهينو فرمايو، جيئن ته حديث پاڪ ۾ آهي: