* ان کي 6 مختلف ٻولين * انگريزي * اردو * هندي * بنگلا * گجراتي ۽ * سنڌي ۾ استعمال ڪري سگهجي ٿو * ان ۾ مختلف نيڪ اعمالن تي مشتمل سوال ڏنا ويا آهن * هر سوال جي هيٺان 30 خانا آهن، روزانو پنهنجي مرضي جو ڪو به وقت مقرر ڪري پنهنجن اعمالن جو جائزو وٺو، ان جي مطابق زندگي گذاريو، اِنْ شَآءَ اللہُ الْکَرِیْم! ان جي برڪت سان گناهن کان بچڻ ۽ نيڪيون ڪرڻ جو ذهن بڻبو، دل جي پاڪيزگي ملندي ۽ ڪردار اجرو ، صاف سٿرو، خوبصورت ٿي ويندو.

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

بيان کي اختتام طرف آڻيندي هڪ شرعي مسئلو عرض ڪريان ٿو:

صحيح ڇا آهي؟

(صحيح شرعي مسئلو ۽ عوام ۾ موجود غلط فهمي جي نشاندهي)
مسئلو: نماز ۾ سدل مڪروه تحريمي آهي.

    وضاحت: هي تمام اهم مسئلو آهي، گهڻائي ماڻهو ان ۾ غلطي ڪندا نظر ايندا آهن. تنهنڪري سَدل ڇا آهي؟ ان کي توجهه سان سمجهي وٺو! سدل جي لفظي معنيٰ آهي: لٽڪائڻ. شريعت ۾ ڪپڙي کي رائج استعمال جي خلاف لٽڪائڻ سَدَل سڏجي ٿو.^[1] مثال طور * جيڪٽ يا واسڪٽ کي ٻانهن ۾ وجهڻ کان سواءِ صرف ڪلهن تي رکڻ، سَدَل  آهي * ائين ئي چادر يا شال وغيره ڪلهن تي هن طرح لٽڪائڻ جو ان جا ٻئي ڪنارا لٽڪندا رهن.