سُبْحٰنَ اللہ!  پيارا اسلامي ڀائرو! غور ڪريو! ڪيڏي عظيم نيڪي آهي. دنيا جي هر پريشاني جو حل ان ۾ آهي، آخرت جي هر ڏک جو حل  به ان ۾ آهي، رب جي رضا گهرجي اها به درودِ پاڪ سان ملي ويندي آهي، محبوبِ خدا صَلَّی اللهُ عَلَيْهِ وَ آلِهٖ وَ سَلَّم جو قرب گهرجي، اهو به درودِ پاڪ سان ملي ويندو آهي پر...!! ڪيڏي محرومي جي ڳالهه آهي، اسان درودِ پاڪ جي طرف توجهه ناهيون ڪندا. * پريشانيون آهن * ڏک آهن * غم آهن * روئندا رهندا آهيون * پريشانين ۾ وار اڇا ڪري ورتا * راتين جي ننڊ * ڏينهن جو سڪون برباد ٿي ويو * ڪاروبار بند ٿي ويا. انهن سڀني پريشانين جو حل اسان ڄاڻون ٿا ۽ آسان ترين حل آهي، صَلَّ اللہُ عَلٰی مُحَمَّد  هڪ سيڪنڊ ۾ پڙهي سگهون ٿا. روزانو ڪجھ منٽ ڪڍڻا آهن، 500 ، 1000، 1200 ڀيرا درود پڙهڻ ڪو مشڪل ڪم نه آهي پر اسان توجهه نٿا ڪريون. الله پاڪ اسان کي ڪثرت سان درودِ پاڪ پڙهڻ جي توفيق نصيب فرمائي.

اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

نيڪ اعمال موبائيل ايپلي ڪيشن

   پيارا اسلامي ڀائرو! نيڪ بڻجڻ ۽ نيڪ اعمال ۾ واڌاري لاءِ دعوتِ اسلامي جي I.T ڊپارٽمينٽ هڪ موبائيل ايپلي ڪيشن جاري ڪئي آهي، جنهن جو نالو آهي: نيڪ اعمال (Naik Amal) هن ايپلي ڪيشن ۾: اسلامي ڀائرن، اسلامي ڀينرن ۽ شاگردن (Students) لاءِ الڳ، الڳ رسالا موجود آهن