Book Name:Ayat e Durood Shareef
پيارا اسلامي ڀائرؤ! الحمد لله! اسان جنت جا طلبگار آهيون ۽ هر مسلمان کي گهرجي ته جنت ۾ وڃڻ جي خواهش دل ۾ رکي، ان ڪري جو جنت رحمتِ الهي جو مقام آهي. هاڻي معاملو اهو آهي ته مرڻ کان وٺي جنت ۾ پهچڻ تائين ڪجھ مرحلا آهن: (1): حضرت ملڪُ الموت عَلَيْهِ السَّلام جو روح ڪڍڻ لاءِ اچڻ (2): روح نڪرڻ (3): قبر ۾ لهڻ (4): نَڪِيرَين (يعني قبر ۾ ايندڙ فرشتن) جا سوال (5): پوءِ قبر جي اڪيلائي (6): پوءِ ميدانِ محشر (7): پوءِ پل صراط. انهن سڀني مرحلن مان گذري ئي اسان جنت ۾ پهچي سگهون ٿا.
۽ لطف جي ڳالهه اها آهي ته درودِ پاڪ اها اعليٰ ترين نيڪي آهي، جنهن جي ذريعي انهن سڀني مرحلن ۾ آساني نصيب ٿي ويندي آهي. هي درودِ پاڪ جي برڪتن مان آهي ته * درود پڙهڻ واري جي روح آساني سان قبض ڪئي ويندي آهي * درود پڙهڻ واري سان نَڪِيرَين (يعني قبر ۾ سوال پڇڻ وارا فرشتا) نرمي اختيار ڪندا آهن* درود پڙهڻ واري کي قبر جي اڪيلائي ۽ وحشت کان نجات ملندي آهي * درودِ پاڪ پڙهڻ وارو روزِ قيامت امن ۽ سڪون ۾ رهندو * درودِ پاڪ پڙهڻ واري کي قيامت جي سڀني مرحلن ۾ آساني نصيب ٿيندي * درودِ پاڪ پڙهڻ واري کي پل صراط تي نور عطا ڪيو ويندو. پياري آقا، مڪي مدني مصطٰفيٰ صَلَّی اللهُ عَلَيْهِ وَ آلِهٖ وَ سَلَّم فرمايو: مون (خواب جي عالم ۾) هڪ اهڙو شخص ڏٺو جيڪو پل صراط تان ٿڙندو پئي ويو، ايتري ۾ مون تي موڪليل درودِ پاڪ نمودار ٿيو، جنهن کيس ٻانهن کان پڪڙي ورتو ۽ وٺي وڃي بهشت ۾ پهچايو.[1]
[1]...مجمع الزوائد، کتاب التعبیر، باب فیما راہ النبی صَلَّی اللہُ عَلَیْہِ وَ آلِہٖ وَ سَلَّم فی المنام، جلد:7، صفحہ:266۔