Book Name:Ayat e Durood Shareef
درود وڌائڻ گهرجي. علامه عبدالعزيز دباغ رَحْمَةُ اللهِ عَلَيْه فرمائن ٿا: جنت کي درودِ پاڪ جو تمام گهڻو شوق آهي، جنت جي اطراف ۾ فرشتا آهن، اهي جڏهن به درودِ پاڪ پڙهندا آهن ته جنت پکڙجڻ شروع ٿي ويندي آهي، جيستائين اهي فرشتا درود پڙهندا رهندا آهن، جنت پکڙجندي رهندي آهي.ڪنهن سوال ڪيو: فرشتن جي تسبيح تي جنت ڇو ناهي پکڙجندي، درود پاڪ تي ئي ڇو پکڙجندي آهي؟ علامه عبدالعزيز دبّاغ رَحْمَةُ اللهِ عَلَيْه فرمايو: اصل ۾ ڳالهه هيءَ آهي ته جنت نورِ مصطفيٰ صَلَّی اللهُ عَلَيْهِ وَ آلِهٖ وَ سَلَّم مان بڻائي وئي آهي، ان ڪري جنت کي پاڻ سڳورن صَلَّی اللهُ عَلَيْهِ وَ آلِهٖ وَ سَلَّم سان اهڙي ئي محبت آهي، جهڙي هڪ ٻار کي پنهنجي پيءُ سان هوندي آهي، تنهنڪري جڏهن فرشتا درود پڙهندا آهن ته جنت شوق سان ان طرف وڌندي آهي ۽ پکڙجڻ شروع ٿي ويندي آهي.[1]
سُبْحٰنَ الله! پيارا اسلامي ڀائرو! غور ڪريو! هي آهي جنت...!! جڏهن جنت درودِپاڪ سان اهڙي محبت رکي ٿي ته اسين جنت جا طلبگار آهيون، اسان کي به گهرجي ته درودِ پاڪ جو شوق دل ۾ وڌايون. بلڪه هڪ معلوماتي ڳالهه عرض ڪريان! جنت کي شوقِ درود ان ڪري آهي ڇو ته جنت نورِ مصطفيٰ صَلَّی اللهُ عَلَيْهِ وَ آلِهٖ وَ سَلَّم مان بڻائي وئي آهي، جيڪڏهن حقيقت ۾ ڏٺو وڃي ته هر شيءِ نورِ مصطفيٰ صَلَّى اللّٰهُ عَلَيۡهِ واٰلِهٖ وَسَلَّم مان ئي بڻي آهي، جي ها! حديثِ پاڪ ۾ آهي: اَوَّلُ مَا خَلَقَ اللہُ نُورِیْ، وَ کُلّ ُشئٍ خُلِقَ مِنْ نُوْرِی الله پاڪ سڀ کان پهرين منهنجو نور بڻايو ۽ هر شيءِ منهنجي نور مان ئي بڻائي وئي آهي.[2]