سور ۂ   مُلْک پڑھنے کے  فائدے

*  سورۂ مُلْک اپنے پڑھنے والے کی شفاعت کرے گی اور * سورۂ مُلْک پڑھنے والے کو بخش دیا جائے گا۔ ^([1])* سورۂ مُلْک کی تلاوت کرنا جنت میں داخلے کا سبب ہے *جو سوتے وقت سورۂ ملک کی تلاوت کرے اُس کے لیے*..30  نیکیاں لکھی جائیں گی *..30 گناہ مٹا دئیے جائیں گے *..30 درجات بلند کر دئیے جائیں گے۔^([2]) * جو رات کے وقت سورۂ ملک کی تلاوت کرتا ہے ایک فرشتہ اُس پر اپنے پر پھیلادیتا ہے اور  وہ اُس کے بیدار ہونے تک  ہر چیز سے حفاظت کرتا ہے  *ہر رات سورۂ ملک کی تلاوت کرنے والا عذابِ قبر سے محفوظ رہے گا ۔  ^([3])

سور ۂ  مُلْک پڑھنے کی عادت بنانے کے طریقے

* سورۂ مُلْک پڑھنے اور تلاوت قرآن  کے فضائل وفوائد پیش نظر رکھئے * تلاوت قرآن کے متعلق بزرگانِ دین کے واقعات پڑھئے * سورۂ مُلْک کی تلاوت کے لیے  رات کا وقت  خاص کر لیجئے اور  روزانہ وقت مقررہ پر سورۂ مُلْک  کی تلاوت کیجئے * گھر یا مسجد  وغیرہ میں روزانہ اجتماعی طور پر سورۂ ملک کی تلاوت کیجئے* سورۂ مُلْک زبانی یاد کر لیجئے  

پیارے اسلامی بھائیو!آج ہم نے نیک عمل نمبر :4 کے مطابق سورۂ مُلْک پڑھنے کے عنوان پر مفید ترین معلومات حاصل کیں، نیت کیجئے کہ روزانہ رات کو سورۂ ملک پڑھ کر سویا کریں گے۔ اِنْ شاۤء اللہ الکَرِیْم !

اللہ پاک عمل کی توفیق نصیب فرمائے ۔

 اٰمِیْن بِجَاہِ خَاتَمِ النَّبِیّٖن  صَلَّی  اللہ  عَلَیْہِ وَ آلِہٖ وَسَلَّم

صَلُّوْا عَلَی الْحَبیب!                                                صَلَّی اللّٰہُ عَلٰی مُحَمَّد