ماہانہ اور سالانہ حساب کتاب کرتا ہے،پھر اُس پر مختلف پہلوؤں سے نہ صرف زبانی غور و فِکْر کرتا ہے بلکہ اُس کوتحریری طور پر محفوظ رکھنے  کی کوشش  بھی کرتا ہے،جہاں کسی قسم کی خامی نظر آئے، اُسے درست کرتا ہے اور جوچیز فائدےکے حُصول میں رُکاوٹ بنتی ہے اُس کو دُور بھی کرتا ہے۔ اگر وہ اپنے کاروباری مُعامَلات کا مُحاسَبہ نہ کرے تو اُسے فائدہ حاصل ہونا تو دور کی بات ہے اُلٹا نقصان کا سامنابھی ہوسکتا ہے۔ اگر اُس نقصان کے بعد بھی وہ غفلت کی گہری نیند سے بیدار نہ ہوتو ایک دن ایسا بھی آتا ہے کہ اُس کا اصل سرمایہ بھی باقی نہیں رہتا اور وہ کوڑی کوڑی کا محتاج ہوجاتا ہے۔ بالکل اِسی طرح جو شخص ”کاروبارِ آخرت“میں فائدہ کمانے کاارادہ رکھتا ہو ،اُسے بھی چاہئے  کہ اپنے کئے گئے اَعمال پر غور کرے ، جو اَعمال اُس کو فائدہ دلوانے میں مُعاون (Helpfull) ثابت ہوں، اُن کو مزید بہتر کرے اور جو کام اِس فائدے کے حُصول میں رُکاوٹ بن رہے ہوں، اُنہیں چھوڑ دے، جو شخص اس طرح اپنا اِحتِساب جاری رکھے گا،وہ  اللہ پاک کی توفیق سےکامیابی حاصل کرے گا اور فائدے کے طور پر اِنْ شَآءَاللہ اُسے جنّت  میں داخلہ نصیب ہوگا۔ اگر ایسا کرنے کی بجائے ”خواب ِ غفلت“  کا شکارہوجائے تو وہ خسارے میں رہے گا،جس کا نتیجہ دوزخ میں داخلے کی صورت میں سامنے آسکتا ہے۔(وَالْعِیاذُ بِاللہ)

اَلْحَمْدُلِلّٰہ امیرِاہلسنّت حضرت علّامہ مولانا محمد الیاس عطّار قادری دَامَتْ بَـرَکاتُہُمُ الْعَالِیَہ  نے آسان اور بہتر انداز میں غوروفکر کرنے کےبارے میں جو رہنمائی فرمائی ہے، وہ اپنی مثال آپ ہے، آپ نے آسانی سے نیکیاں کرنے اورگناہوں سے بچنے کے طریقوں پر مشْتَمِل شریعت وطریقت کا بہترین مجموعہ بنام” نیک اعمال“سُوالات کی صورت میں عطا فرمایا ہے۔اسلامی بھائیوں کے لئے 72، اسلامی بہنوں کے لئے 63،طَلَبۂ علمِ دین کے لئے 92 ،دِینی طالِبات کے لئے 83 ،بچوںاوربچیوں کے لئے 40، اسپیشل(یعنی گونگے بہرے) اسلامی بھائیوں کے لئے 27 نیک اعمال عطا فرمائے ہیں۔