Book Name:Bakhshish Se Mehroom Log
صحابئ رسول حضرت شَدَّاد بن اَوس رَضِىَ اللهُ عَـنْهُ فرمائي: يوه ورځ ما د اُمت د غمخوار، مَدَني تاجدار صَلَّى اللهُ عَلَيْهِ وَاٰلِهٖ وَسَلَّم پۀ مخ مبارک باندې د پريشانۍ نخښې وليدلې نو عرض مې اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! زما مور پلار دې ستاسو نه قربان شي! دا د پريشانۍ نخښې د څۀ دي؟ د اُمت سره محبت کوونکي آقا، د اُمت پۀ فِکر کښې غمژن اوسيدونکي آقا صَلَّى اللهُ عَلَيْهِ وَاٰلِهٖ وَسَلَّم وفرمائيل: يوه معامله ده د کومې چې د خپل اُمت پۀ باره کښې زما سره ويره ده۔ حضرت شَدَّاد رَضِىَ اللهُ عَـنْهُ فرمائي: ما پوښتنه اوکړه: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! هغه څۀ معامله ده؟ اوئې فرمائيل: شِرک او پټ خواهش۔ ما عرض اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! آيا ستاسو اُمت به پۀ شِرک کښې اخته کيږي؟ پۀ دې باندې يـې وفرمائيل: اے شَدَّاده! زما اُمت به د نمر، سپوږمۍ او د کاڼو عبادت نۀ کوي خو زما اُمت به پۀ خپلو اعمالو کښې رِيا کوي۔ ما عرض اوکړو: يا رسول الله صَلَّى اللهُ عَلَيْهِ وَاٰلِهٖ وَسَلَّم! آيا رِيا شِرک دے؟ اوئې فرمائيل: آؤ (رِيا شرک دے)۔ ما عرض اوکړو: يا رسول الله صَلَّى اللهُ عَلَيْهِ وَاٰلِهٖ وَسَلَّم! پټ خواهش څۀ شے دے؟ اوئې فرمائيل: دا چې زما څوک اُمتي روژه اونيسي خو د څۀ دُنيائي خواهش پۀ وجه روژه ماته کړي۔ ([1])
پۀ يو حديثِ پاک کښې دي: سرکارِ عالي وقار، مکي مَدَني تاجدار صَلَّى اللهُ عَلَيْهِ وَاٰلِهٖ وَسَلَّم فرمائيلي دي: زما ستاسو پۀ باره کښې د ټولو نه زيات د شِرکِ اَصغَر ويره ده۔ عرض اوکړے شو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! شِرکِ اَصغَر څۀ شے دے؟ اوئې فرمائيل: رِياکاري۔ بيا يـې وفرمائيل: د قيامت پۀ ورځ باندې به چې کله خلقو ته د هغوئي د اعمالو بدله ورکړے کيږي نو ريا کوونکو ته به وئيلے شي: د هغوئي خوا له لاړ شئ چا ته چې به مو پۀ دُنيا کښې اعمال ښودل۔ ([2])