نيک عمل نمبر: 7 آيا نن تاسو د کنز الايمان مع خزائن العرفان يا د نور العرفان نه کم از کم درې آيتونه د ترجمې او تفسير سره لوستلې يا اوريدلې؟ د صِراطُ الـجِنان نه کمې يا زياتې دوه صفحې لوستلې يا اوريدلې؟ ^([1])

آيت مبارک

الله پاک فرمائيلي دي:

كِتٰبٌ اَنْزَلْنٰهُ اِلَیْكَ مُبٰرَكٌ لِّیَدَّبَّرُوْۤا اٰیٰتِهٖ وَ لِیَتَذَكَّرَ اُولُوا الْاَلْبَابِ(۲۹) (پارہ:23، سورۀ صٓ: 29)

ترجمهٴ کنزُ العِرفان: (دا قرآن) يو برکت والا کتاب دے کوم چې مونږه ستا طرف ته نازل کړے دے د پاره د دې چې خلق د دې پۀ آيتونو کښې غور او فِکر اوکړي او عقلمند ترينه نصيحت حاصل کړي۔

* معلومه شوه چې ټول قرآنِ کريم د ډيرو زياتو برکتونو والا دے او د دې د نازليدو مقصد دا دے چې څۀ پۀ دې کښې بيان کړے شوي دي پۀ دې باندې ځان د پوهه کولو سره پۀ دې باندې عمل اوکړے شي۔ ^([2])

د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک

* د قرآنِ کريم نه يو آيت زده کول د 100 رکعتونو نه بهتر دے۔ ^([3]) * پۀ يو حديثِ پاک کښې دي: روزانه د قرآنِ کريم دوه آيتونه زده کول د 2 اوښو نه بهتر، 3 آيتونه زده کول د دريو اوښو نه بهتر، 4 آيتونه زده کول د 4 اوښو نه بهتر او د هم دومره اوښانو نه بهتر دي ۔ ^([4])