فرمائڻ کان بعد اُهي ماڻهو شِرڪَ ۾ مبتلا ٿي ويا، اِنْ شَآءَ اللہُ الْكَرِيْم! هيءَ اُمت ڪڏهن به شرڪ ۾ مبتلا نه ٿيندي، ڪو هڪ يا ٻه شخص شامتِ اعمال سبب ايمان کان ڦِري مشرڪ ٿي وڃي ته الڳ ڳالهه آهي، باقي سموري اُمّت يا اُمّت جي اڪثريت شرڪ ڪرڻ لڳي، ائين ڪڏهن به نه ٿيندو.

بُخاري ۽ مسلم جيڪي حديث پاڪ جا سڀ کان معتبر ڪتاب آهن، ان ٻنهي ۾ هيءَ روايت موجود آهي، محبوبِ ذيشان، مڪي مدني سلطان صَلَّی اللہُ عَلَیْہِ وَ آلِہٖ وَ سَلَّم قسم کڻي فرمايو: وَإِنِّي وَاللَّهِ مَا أَخَافُ عَلَيْكُمْ أَنْ تُشْرِكُوا بَعْدِي خدا جو قسم بيشڪ مون کي توهان جي باري ۾ اِهو خوف نه آهي ته توهان مون کان پوءِ شرڪَ ۾ مبتلا ٿي ويندؤ. ^([1])

الحمد للہ! هي رسولِ خدا، احمدِ مجتبيٰ صَلَّی اللہُ عَلَیْہِ وَ آلِہٖ وَ سَلَّم جو فيضانِ توحيد آهي جيڪو سندن اُمت کي قيامت تائين نصيب رهندو، جنهن جي برڪت سان هيءَ اُمت ڪڏهن به شرڪَ ۾ مبتلا نه ٿيندي.

شِرڪِ  خَفِي   کان  بچو ...!

ها! شِرڪَ جو هڪ قسم آهي، جنھن ۾ هيءَ اُمت مبتلا ٿي سگهي ٿي. هيءَ ڳالهه ياد رکڻ گهرجي ته شِرڪَ جا ٻه قسم آهن:  

(1): هڪ آهي شِرڪِ جَلِي (يعني اللہ پاڪ کان سواءِ ڪنھن کي عبادت جي لائق سمجھڻ)، ان شرڪ سان ماڻهو اسلام مان نڪري ويندو آهي.

(2): ٻيو آهي: شرڪِ خَفِي (ان کي رِياڪاري چوندا آهن). ان سان ماڻهو اسلام مان نه نڪرندو آهي، پر! اِهو ڪبيره گناهه، حرام ۽ جھنّم ۾ وٺي وڃڻ وارو ڪم آهي.

 صحابيءِ رسول حضرت شَداد بن اَوس رَضِیَ اللهُ عَنْہُ فرمائن ٿا: هڪ ڏينهن مان اُمت جي غمخوار، مدني تاجدار صَلَّی اللہُ عَلَيْہِ وَ آلِہٖ وَ سَلَّم جي چھرهءِ پُرنور تي پريشاني