تي سڀ کان پهريان ٻانهي جو پنهنجي گهروارن تي خرچ ڪيل مال رکيو ويندو. ^([1]) (2): جيڪو ثواب جي نيت سان پنهنجي گهروارن تي خرچ ڪندو آهي ته اهو ان جي لاءِ صدقو آهي. ^([2])

اي عاشقانِ رسول! گهروارن تي خرچ ڪرڻ سنتِ مصطفيٰ آهي * پيارا آقا، مڪي مدني مصطفيٰ صَلَّی اللہُ عَلٰیْہِ وَاٰلِہٖ وَسَلَّم پنهنجي گهروارن تي خرچ فرمائيندا هئا * حديث پاڪ جي مطابق هجرت کان پوءِ هڪ وقت اهڙو به آيو جو رسولِ اڪرم، نور مجسم صَلَّی اللہُ عَلٰیْہِ وَاٰلِہٖ وَسَلَّم پنهنجي گهر وارن جي لاءِ پوري سال جو اناج جمع فرمائي ڇڏيندا هئا. ^([3])

هن حديث پاڪ جي حوالي مشهور مفسر قرآن مفتي احمد يار خان نعيمي رَحْمَةُ الـلّٰـهِ عَـلَيْه جيڪا شرح بيان ڪئي آهي، ان جو خلاصو آهي ته هِي يعني سرڪارِ عالي وقار، مڪي مدني تاجدار صَلَّی اللہُ عَلٰیْہِ وَاٰلِہٖ وَسَلَّم       جو سڄي سال جي لاءِ اناج گڏ ڪرڻ، بنو نضير جو قلعو فتح ٿيڻ کان پوءِ جي ڳالهه آهي. هيءَ ڳالهه به ذهن نشين رهي ته حضور جانِ ڪائنات صَلَّی اللہُ عَلٰیْہِ وَاٰلِہٖ وَسَلَّم       جيتوڻيڪ سموري سال جو اناج گڏ ڪري رکندا هئا پر سندن ازواج پاڪ ڪثرت سان صدقو ۽ خيرات ڪنديون هيون ۽ پوري سال جي لاءِ گڏ ڪيل اناج جلد ختم ٿي ويندو هو ۽ نوبت فاقن تائين پهچي ويندي هئي. ^([4])

بھوکے رہتے تھے خود اوروں کو کھلا دیتے تھے کیسے صابِر تھے مُحَمَّد کے گھرانے والے

رسولِ اڪرم، نور مجسم صَلَّی اللہُ عَلٰیْہِ وَاٰلِہٖ وَسَلَّم      جن جو سڄي سال جي لاءِ اناج گڏ ڪرڻ ان لاءِ آهي ته جيئن اهو عمل امت جي لاءِ سنت بڻجي وڃي، نه ته  پاڻ صَلَّی اللہُ عَلٰیْہِ وَاٰلِہٖ وَسَلَّم      جا گهروارا (اهلِ خانه) ڪمزور دل جا نه هئا ( بلڪ اُهي ته الله پاڪ تي ڪامل ڀروسو رکڻ وارا هئا). ^([5])