اي عاشقانِ رسول! سٺين سٺين نيتن سان عمل جو ثواب وڌي ويندو آهي. اچو! بيان ٻڌڻ کان پهريان ڪجهه سٺيون سٺيون نيتون ڪري وٺون، نيت ڪريو! * الله پاڪ جي رضا جي لاءِ بيان ٻڌندس * بَاادب ويهندس * خوب تَوَجُّه سان بيان ٻڌندس * جيڪو ٻڌندس، ان کي ياد رکڻ، پاڻ عمل ڪرڻ ۽ ٻين تائين پهچائڻ جي ڪوشش ڪندس.

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

پياري آقا جو  بي مثال سجدو

مسلمانن جي پياري اَمّي جان حضرت عائشه صِدِّيقه طيبه طاہِرہ رَضِيَ اللّٰہُ عَنْہا فرمائن ٿيون، هڪ دفعو رات جو وقت هو، جڏهن اڌ رات ٿي ته پاڻ ڪريم صَلَّی اللہُ عَلَیْہِ وَ آلِہٖ وَ سَلَّم ڪيڏانهن تشريف وٺي ويا، مون کي فڪر ٿيڻ لڳو، تنهنڪري مان اُٿي اَزْواجِ مطہرات جي حُجرن ۾ ڏٺو، پاڻ صَلَّی اللہُ عَلَیْہِ وَ آلِہٖ وَ سَلَّم ڪٿي به نظر نه آيا، جڏهن واپس پنهنجي حجري ۾ آيس ته ڏٺم ته جيئن ڪو ڪپڙو زمين تي پيل هوندو آهي، پاڻ صَلَّی اللہُ عَلَیْہِ وَ آلِہٖ وَ سَلَّم ائين ئي (دنيا و ما فيها کان بي خبر ٿي) اللہ پاڪ جي حُضُور ڪنڌ جهڪائي سجدو ڪري رهيا آهن، پاڻ صَلَّی اللہُ عَلَیْہِ وَ آلِہٖ وَ سَلَّم سِرُ سجدي ۾ رکي چئي رهيا هئا:

سَجَدَ لَكَ خَيَالِي وَسَوَادِيْ، وَآمَنَ بِكَ فُؤَادِيْ، فَهٰذِهِ يَدِيْ وَمَا جَنَيْتُ بِهَا عَلَى نَفْسِيْ يَا عَظِيمُ يُرْجَى لِكُلِّ عَظِيمٍ، يَا عَظِيمُ اِغْفِرِ الذَّنْبَ الْعَظِيمَ، سَجَدَ وَجْهِي لِلَّذِي خَلَقَهُ وَشَقَّ سَمْعَهٗ وَبَصَرَهٗ

 ترجمو:  اي اللہ پاڪ! تنهنجي اڳيان منهنجي خيال ۽ منهنجي جسم سجدو ڪيو آهي، توتي منهنجي دل ايمان آندو آهي، هِي هٿ آهن، جن سان پاڻ تي زيادتي ڪئي وئي آهي، اي عظمت وارا رَبَّ! جنهن مان هر عظيم ڳالهه جي اميد ڪئي ويندي آهي، اي عظمت وارا رَبَ! وڏا گُناهه معاف ڪري ڇڏ، منهنجا موليٰ! منهنجو چهرو جنهن کي تو پيدا ڪيو آهي، جنهن تي ڪَنَ ۽ اکيون ٺاهيون آهن، اهو چهرو تنهنجي بارگاهه ۾ سجدو ڪري رهيو آهي.

پوءِ پاڻ  ڪريم صَلَّی اللہُ عَلَیْہِ وَ آلِہٖ وَ سَلَّم سجدي مان ڪنڌ مٿي کنيو، پوءِ ٻيو سجدو ڪيائون، هن ڀيري هينئن دعا فرمايائون: