Book Name:Bakhshish Se Mehroom Log
پيارا اسلامي ڀائرو! اچو ته آخر ۾ شبِ براءَت ۾ پڙهيا ويندڙ ڪجهه نفلن بابت ٻڌون ٿا:
اولياءِ ڪِرام رَحْمَةُ الـلّٰـهِ عَـلَيْهم جي معمولات مان آهي ته مغرب جي فرض ۽ سنت وغيره کان پوءِ 6 رڪعتون نفل ٻه ٻه رڪعتون ڪري پڙهيا وڃن* پهرين 2 رڪعتن کان اڳ هيءَ نيت ڪريو ته: يا الله پاڪ! هنن 2 رڪعتن جي برڪت سان مون کي خير ۽ عافيت واري ڊگهي عمر عطا فرماءِ * وچين 2 رڪعتن کان اڳ هيءَ نيت ڪريو ته: يا الله پاڪ! هنن 2 رڪعتن جي برڪت سان بلائن ۽ مصيبتن کان منهنجي حفاظت فرماءِ * آخري 2 رڪعتن ۾ هيءَ نيت ڪريو ته: يا الله پاڪ! هنن 2 رڪعتن جي برڪت سان مون کي پاڻ کان سواءِ ٻئي ڪنهن جو محتاج نه ڪر.
هنن 6 رڪعتن ۾ سورة فاتحه کان پوءِ جيڪي چاهيو سورتون پڙهي سگهو ٿا، چاهيو ته هر رڪعت ۾ سورة فاتحه کان پوءِ 3 ڀيرا سورة اخلاص پڙهي وٺو. هر 2 رڪعتن کان پوءِ 21 ڀيرا قُلْ هُوَ اللّٰهُ اَحَدٌ (پوري سورت) يا هڪ ڀيرو سورت يٰس شريف پڙهو، ٿي سگهي ته ٻئي پڙهي وٺو. هي به ممڪن آهي ته ڪو هڪ اسلامي ڀاءُ بلند آواز سان يٰس شريف پڙهي ۽ ٻيا خاموشيءَ سان ڌيان سان ٻڌن. ان ۾ هن ڳالهه جو خيال رکو ته ٻڌڻ وارا ان دوران زبان سان يٰس شريف يا ٻيو ڪجهه به نه پڙهن. هي مسئلو چڱي طرح ياد رکو ته قرآن ڪريم جڏهن بلند آواز سان پڙهيو وڃي ته جيڪي ٻڌڻ لاءِ موجود آهن انهن تي فرض عين آهي ته خاموشيءَ سان چڱي طرح ڪن لڳائي ٻڌن،اِنْ شَآءَ اللہُ الْکَرِیْم! رات شروع ٿيڻ سان ئي ثوابن جو ڍير لڳي ويندو. هر ڀيري