Book Name:Bakhshish Se Mehroom Log
ڪرڻ وارن جي به بخشش نه ٿيندي آهي، تنهنڪري جن جا چاچا، ماما، ماسيون، پُڦِيوُن ناراض آهن، توڙي انهن جو ئي قصور ڇو نه هجي، تڏهن به انهن کان معافي وغيره وٺي صلح ڪري ڇڏيو! ڇوته حديث پاڪ ۾ آهي ته صُلح ۾ اڳرائي ڪرڻ وارو پهريان جنت ۾ داخل ٿيندو. تنهنڪري پاڻ اڳتي وڌي صلح ڪري وٺو! * اهڙي طرح ڪنهن به مسلمان ڀاءُ سان بغض رکڻ، دل ۾ دشمني لڪائي رکڻ به بخشش کان محروميءَ جو سبب آهي. ان گناهه کان به فوراﹰ توبہه ڪرڻ گهرجي.
حضرت عبدالله بن عمر رَضِیَ اللهُ عَنْہُ فرمائن ٿا: پياري آقا، نور واري مصطفيٰ صَلَّی اللہُ عَلَیْہِ وَ آلِہٖ وَ سَلَّم جي پاڪ بارگاهه ۾ عرض ڪيو ويو: أَيُّ النَّاسِ أَفْضَلُ؟ يا رسول الله صَلَّی اللہُ عَلَیْہِ وَ آلِہٖ وَ سَلَّم ! ماڻهن ۾ افضل ڪير آهي؟ فرمايائون: كُلُّ مَخْمُوْمِ الْقَلْبِ، صُدُوقُ اللِّسَانِ هر اهو شخص جيڪو مَخْمُوْمُ الْقَلْب آهي ۽ سچي زبان وارو آهي. صحابه ڪرام علیہمُ الرِّضْوَان عرض ڪيو: يارسول الله صَلَّی اللہُ عَلَیْہِ وَ آلِہٖ وَ سَلَّم! صُدُوْقُ اللِّسَان (يعني سچي زبان وارو) ڪنهن کي چئبو آهي ان جي ته اسان کي خبر آهي، پر مَخْمُوْمُ الْقَلْب ڪير آهي؟ فرمايائون: اهڙو متقي شخص آهي جنهن تي ڪو گناهه نه هجي، جنهن جي دل ۾ نه سرڪشي هجي، نه ڪينو هجي ۽ نه ئي حسد هجي. ([1])
معلوم ٿيو ته جنهن جي زبان سچي هجي، ڪوڙ نه ڳالهائيندو هجي ۽ جنهن جي دل ۾ نه سرڪشي هجي، نه ڪينو هجي، نه بُغض هجي، نه حسد يا ساڙ هجي، اُهو شخص وڏي فضيلت وارو آهي. شيخِ طريقت، امير اهل سنت دَامَتْ بَرَکَاتُہُمُ الْعَالِیَه بارگاههِ رسالت ۾ استغاثه پيش ڪري رهيا آهن:
جھوٹ سے بغض و حسد سے ہم بچیں کیجئے رحمت اے نانائے حُسین