Book Name:Bakhshish Se Mehroom Log
اِهو ٻڌي اُهو شخص هليو ويو، ماڻهن پڇيو: عالي جاہه! هِن جي سوال جو جواب ته اِهو ئي هو ته هُو توبہه ڪري، پوءِ توهان ماءُ بابت ڇو پڇيو؟ فرمايائون: ان ڪري ته منهنجي ڄاڻ مطابق الله پاڪ کي راضي ڪرڻ جو سڀ کان ويجهو ذريعو ماءُ سان ڀلائي ڪرڻ آهي (تنهنڪري جيڪڏهن سندس ماءُ زندهه هجي ها ته مان کيس چوان ها: ماءُ جي خدمت ڪر! الله پاڪ تنهنجا سمورا گناهه بخشي ڇڏيندو).([1])
پيارا اسلامي ڀائرو! شبِ براءَت اچڻ واري آهي، جيڪڏهن خدانخواسته والدين جي نافرماني ٿي وئي آهي، کين ناراض ڪري ويٺا آهيو، يا نافرماني ظاهري طور نه به ٿي هجي تڏهن به احتياطاﹰ والدين کان معافي ضرور وٺو! انهن کي راضي ڪري وٺو! جيڪڏهن والدين دنيا مان لاڏاڻو ڪري ويا هجن ته انهن جي لاءِ نفل پڙهو! صدقا ۽ خيراتون ڪريو! سندن قبر تي حاضريءَ جي عادت بڻايو! انهن جي لاءِ سورت يٰس شريف پڙهو! بس ڪنهن نه ڪنهن طرح سندن دل خوش ڪري ڇڏيو! اِنْ شَآءَ اللہُ الْکَرِیم! شب براءَت ۾ بخشش جو پروانو ملڻ جا حقدار بڻجي ويندؤ.
الله پاڪ اسان کي عمل جي توفيق نصيب فرمائي.
اٰمِین بِجَاہِ خَاتَمِ النَّبِیِّيْن صَلَّی اللہُ عَلَیْہِ وَ آلِہٖ وَ سَلَّم .
پيارا اسلامي ڀائرو! شب براءَت ۾ بخشش کان محروميءَ جا ٻيا به ڪيترائي سبب آهن، مثال طور * ان رات بدڪار جي به بخشش نه ٿيندي آهي، خدا نه ڪري جيڪڏهن ڪو ان گناهه ۾ مبتلا آهي ته کيس توبہه ڪرڻ گهرجي * اهڙي طرح ڪاهن (يعني نجومي) جي به بخشش نه ٿيندي آهي، ان گناهه کان به توبہه ڪرڻ گهرجي *. جادوگر جي به ان رات بخشش نه ٿيندي آهي *. رشتا ٽوڙڻ وارن، عزيزن ۽ رشتيدارن سان لڙائي ۽ جهيڙا