فرشتو موڪليو، جنھن اُن شخص جو هٿ جوڙي ڇڏيو ۽ سندس ماءُ جي اک ٻيهر موٽائي ڇڏي. ^([1])

اللہ! اللہ...!! پيارا اسلامي ڀائرو! هن واقعي جي روشني ۾ ٻن ڳالهين تي ڌيان ڏيو! (1):  پهرين اِهو ڏسو ته شراب ڪيڏي نه منحوس شيءِ آهي، اهو شخص نيڪ هو، توريت شريف جي تلاوت ڪندو هو پر ان ۾ هڪ عيب هو جو هُو شراب پيئندو هو، ان هڪ عيب کيس رسوا ڪري ڇڏيو (2):  ٻي ڳالھ  هن واقعي مان ماءُ پيءُ جي اهميت پڻ معلوم ٿي رهي آهي ته جيسيتائين ماءُ پيءُ راضي نه هوندا، اللہ پاڪ به راضي نه ٿيندو. تنهنڪري اسان کي گھرجي ته پنهنجي والدين جي خوب خدمت ڪريون، ماءُ پيءُ پڪارين ته فوراً حاضر ٿي وڃون، ڊوڙي ڊوڙي، ذوق ۽ شوق سان، سندن محبت ۾ گُم ٿي هنن جا ڪم ڪندا رهون ۽ خدمت بجا آڻيون.

خدا  کي  راضي  ڪرڻ  جو سڀ  کان ويجهو  ذريعو

پيارا اسلامي ڀائرو! والدين سان نيڪي ۽ ڀلائي ڪرڻ تمام گهڻو پسنديده عمل آهي. جن جا والدين جيئرا آهن، يقين ڪيو! انهن جا ڀاڳ ڀلا آهن. هڪ شخص هو، جنهن کان ڪنهن جو قتل ٿي ويو. قتل ڪرڻ تمام وڏو گناهه آهي، قرآن ڪريم ۾ فرمايو ويو آهي: جنهن هڪ جان کي قتل ڪيو، ان ڄڻ سڄي انسانيت کي قتل ڪيو، ايڏو وڏو گناهه آهي. ان شخص کان جڏهن هي گناهه ٿي ويو ته کيس شرمندگي ٿي، هاڻي هي سوچڻ لڳو ته توبہه جو رستو ڪهڙو آهي؟ تنهنڪري مسئلو پڇڻ جي لاءِ صحابيءِ رسول حضرت عبدالله بن عباس رَضِیَ اللہُ عنہما جي خدمت ۾ حاضر ٿيو، سڄو واقعو عرض ڪيائين ۽ پڇيائين: عالي جاہه! ڇا منهنجي لاءِ توبہه آهي؟ حضرت عبدالله بن عباس رَضِیَ اللہُ عنہما کيس فرمايو: ڇا تنهنجي ماءُ زندهه آهي؟ ان شخص وراڻيو: نه، هوءَ ته وفات ڪري وئي آهي. فرمايائون: چڱو وڃ! وڃي توبہه ڪر، جيترو ٿي سگهي الله پاڪ کي راضي ڪرڻ جي ڪوشش ڪر!