بخشش کان محروم ماڻهو

اَلحَمۡدُلله! عام طور تي اسان جي معاشري ۾ اڃان تائين شراب کي بُرو ئي سمجھيو ويندو آهي، پر! چورِي ڇُپي يا سَرِ عام ان جو وڌندڙ رواج نهايت ئي خطرناڪ ڳالهه آهي. شراب طبي لحاظ کان به تمام گهڻو نقصانڪار آهي، روحاني طور تي به ۽ معاشري ۾ به تمام گهڻيون برايون ڦهلائڻ جو سبب بڻجندو آهي. تنهنڪري ش راب ۽ ان جهڙين ٻين نشي آور شين کان هميشه پري رهڻ گھرجي.

(3): ماءُ پيءُ جي نافرماني

شبِ براءَت جيڪا مغفرت جي رات آهي، ان رات ۾ جيئن شرابي جي بخشش نه ٿيندي آهي، ايئن ئي ماءُ پيءُ جي نافرماني ڪرڻ واري جي به بخشش نه ٿيندي آهي، اِهي ٻئي ڪيڏا وڏا جرم آهن، ان متعلق هڪ عبرتناڪ واقعو ٻڌو!

منهنجي رِضا، تنهنجي ماءُ جي رِضا ۾ آهي

روايت آهي ته: بني اسرائيل ۾ هڪ شخص هو، جنهن کي اللہ پاڪ تمام سٺو ۽ خوبصورت آواز عطا فرمايو هو، نعمت مٿان نعمت هيءَ ٿئي جو هُو پنهنجي پياري آواز سان توريت شريف جي تلاوت ڪندو هو. جڏهن هي شخص توريت شريف جي تلاوت ڪندو هو ته ماڻهو سندس تلاوت ٻڌڻ جي لاءِ پنهنجن گھرن کان ٻاھر نڪري ايندا هئا.

ان شخص ۾ شراب پيئڻ جو هڪ عيب هو. سندس ماءُ کيس منع ڪندي هئي ته پُٽَ! اللہ پاڪ توکي اهڙي عظيم نعمت سان نوازيو آهي، سٺا ڪم ڪندو ڪر، شراب نه پيئندو ڪر، پر اُهو شخص پنهنجي ماءُ جي هڪ به نه ٻڌندو هو.

هڪ ڏينهن ايئن ٿيو جو اُن توريت شريف جي تلاوت شروع ڪئي، ماڻهو سندس چوڌاري جمع ٿي ويا، تمام گهڻا ماڻهو جمع ٿي ويا. هُو توريت شريف جي تلاوت ڪندو رهيو. جڏهن ان اجتماع کان فارغ ٿيو ته گھر آيو ۽ شراب پيئڻ لڳو، سندس ماءُ هن ڀيري به کيس منع ڪيو ۽ چيائين: پُٽَ! اُٿي وضو ڪر...!! جيئن ته هُو نشي ۾ هو، تنهنڪري ڪاوڙ ۾ اچي مَعَاذَ اللہ! ماءُ کي

Important

Mobile Apps

Contact Us