Book Name:Bakhshish Se Mehroom Log
جا آثار ڏٺا ته عرض ڪيو: يارسولَ اللہ صَلَّی اللہُ عَلَيْہِ وَ آلِہٖ وَ سَلَّم! منهنجا ماءُ پيءُ اوھان تان قربان!! هِي پريشاني جا آثار ڇو آهن؟ اُمت سان محبت فرمائڻ واري آقا، فڪرِ اُمَّت ۾ غمگين رهڻ واري آقا صَلَّی اللہُ عَلَيْہِ وَ آلِہٖ وَ سَلَّم فرمايو: هڪ معاملو آهي جنھن جو مون کي پنهنجي اُمّت جي باري ۾ خوف آهي. حضرت شَدَّاد رَضِيَ اللّٰہُ عَنْہ فرمائن ٿا: مون پڇيو: يارسولَ اللہ صَلَّی اللہُ عَلَيْہِ وَ آلِہٖ وَ سَلَّم! اهو ڪھڙو معاملو آهي؟ فرمايائون: شِرڪُ ۽ لڪيل خواھِش. مون عرض ڪيو: يارسولَ اللہ صَلَّی اللہُ عَلَيْہِ وَ آلِہٖ وَ سَلَّم! ڇا اوھان جي اُمّت شرڪ ۾ مبتلا ٿي ويندي؟ ان تي فرمايائون: اي شَدَّاد! منهنجي اُمَّت سج، چنڊ ۽ پٿرن جي پوڄا نه ڪندي پر منهنجي اُمت پنهنجن عملن ۾ ڏيکاءُ ڪرڻ لڳندي. مون عرض ڪيو: يا رسول اللہ صَلَّی اللہُ عَلَيْہِ وَ آلِہٖ وَ سَلَّم! ڇا رياڪاري شِرڪ آهي؟ فرمايائون: ها (رياڪاري شرڪ آهي). مون عرض ڪيو: يا رسولَ اللہ صَلَّی اللہُ عَلَيْہِ وَ آلِہٖ وَ سَلَّم! لڪيل خواھِش مان ڇا مراد آهي؟ فرمايائون: اِها هيءَ آهي ته منھنجو ڪو امتي روزو رکي پر ڪنھن دنياوي خواھِش جي سبب روزو ٽوڙي ڇڏي. ([1])
هڪ حديث پاڪ ۾ آهي: سرڪارِ عالي وقار، مڪي مدني تاجدار صَلَّی اللہُ عَلَيْہِ وَ آلِہٖ وَ سَلَّم فرمايو: مون کي توهان جي باري ۾ سڀ کان وڌيڪ شِرڪِ اَصغَر جو خوف آهي. پڇيو ويو: يارسولَ اللہ صَلَّی اللہُ عَلَيْہِ وَ آلِہٖ وَ سَلَّم! شِرڪِ اَصغر ڇا آهي؟ فرمايائون: رياڪاري. پوءِ فرمايائون: قيامت جي ڏينهن جڏهن ماڻهن کي سندن عملن جو بدلو ڏنو ويندو ته رياڪارَن کي چيو ويندو: انھن وَٽِ وڃو جن کي دنيا ۾ پنهنجا اعمال ڏيکاريندا هُيؤ. ([2])
پيارا اسلامي ڀائرو! معلوم ٿيو ته هن اُمت ۾ پيدا ٿيڻ وارو مرض شِرڪِ جَلي نه پر شِرڪِ خَفي (يعني رياڪاري) آهي. توڙي جو شبِ براءَت ۾ جيڪو شخص بخشش کان محروم رهندو آهي، اُهواُهوئي آهي جيڪو شرڪِ جَلي ۾