(3)  دل مان بغض ۽ ڪينو ڪڍي ڇڏيو!

    پيارا اسلامي ڀائرو! روايتن مطابق جيڪي بدنصيب شبِ برائت جهڙي عظيم رات ۾ به مغفرت کان محروم رهندا آهن، انهن ۾ هڪ بغض ۽ ڪينو رکڻ وارو به آهي.^[1]

      يقيناً اسان مان هر هڪ مغفرت و بخشش جو طلبگار ۽ حاجت مند آهي، ان ڪري شبِ براءَت اچڻ کان پهريان انهن سڀني گناهن کان توبھ سان گڏوگڏ هي به ضروري آهي ته اسان پنهنجي دل صاف ڪري وٺون، دل ۾ ڪنهن جو بغض ۽ ڪينو (يعني لڪيل دشمني)، ڪنهن بابت حسد، ڪنهن لاءِ ميراڻ نه رهي.

الله پاڪ اسان سڀني کي عمل جي توفيق نصيب فرمائي.

اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

(4): مغرب کان پوءِ 6 نفل

   اولياءِ ڪرام رَحِمَهُمُ الـلّٰـهُ تَـعَالٰی جي معمولات مان آهي ته مغرب جي فرض ۽ سنت وغيره کان پوءِ 6 رڪعت نفل 2، 2 رڪعت ڪري ادا ڪيا وڃن * پهرين 2 رڪعتن کان اڳ هي نيت ڪريو: اي الله پاڪ! هنن 2 رڪعتن جي برڪت سان مون کي خير و عافيت واري ڊگهي زندگي عطا فرماءِ * ٻئين 2 رڪعتن کان اڳ هي نيت فرمايو: اي الله پاڪ! هنن 2 رڪعتن جي برڪت سان بلائن کان منهنجي حفاظت فرماءِ * ٽئين 2 رڪعتن لاءِ هي نيت ڪريو: اي الله