Book Name:Gunahon Ke Nahusaten
ڳالهه ته گناهه ٿي ويو ته هاڻي ان تي قائم نه رهون، جلد کان جلد اهو گناهه ڇڏيو ۽ توبھ طرف وڌي وڃون.
الله پاڪ اسان سڀني کي عمل جي توفيق نصيب فرمائي.
اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
الحمد لله! شبِ براءَت تشريف کڻي اچڻ واري آهي * تمام برڪتن واري * عظمتن واري رات آهي * هن رات ۾ الله پاڪ پنهنجي ٻانهن تي خصوصي رحم و ڪرم فرمائيندو آهي * لکين گنهگارن جي بخشش ڪئي ويندي آهي * دعائن جي قبوليت * ۽ روزي تقسيم ٿيڻ جي رات آهي * هن رات رزق ۾ برڪت لاءِ جيڪا دعا گهري وڃي، قبول ٿيندي آهي. اسان جي پياري آقا، مديني واري مصطفيٰ صَلَّى اللهُ عَلَيْهِ وَاٰلِهٖ وَسَلَّم فرمايو: جڏهن شعبان جي وچين (يعني 15 هين) رات اچي ته ان رات قيام (يعني عبادت) ڪريو، ڏينهن جو روزو رکو، بيشڪ هن رات سج غروب ٿيندي ئي الله پاڪ پنهنجي شانَ مطابق آسمانِ دنيا تي تجلي فرمائيندو ۽ ارشاد فرمائيندو آهي: * اَلَا مِنْ مُسْتَغْفِرٍ لِیْ فَاَغْفِرَ لَہٗ آهي ڪو مون کان مغفرت گهرڻ وارو ته مان ان کي معاف ڪري ڇڏيان * اَلَا مُسْتَرْزِقٌ فَاَرْزُقَہٗ آهي ڪو رزق گهرڻ وارو ته ان کي رزق عطا ڪريان * اَلَا مُبْتَلٰی فَاُعَافِیَہٗ آهي ڪو پريشان حال ته مان ان جي پريشاني دور ڪريان، آهي ڪو اهڙو، آهي ڪو اهڙو، فجر جي طلوع ٿيڻ تائين ائين ئي اعلان ٿيندو رهندو آهي.[1]