میں، تنہائی میں، وَحْشت بھرے ماحول میں کہاں جائیں گے؟ کسے مدد کو بُلائیں گے؟

قبر مَحْبوب کے جلووں سے بَسا دے مالک    یہ کرم کر دے تو میں شاد رہوں گا یاربّ!^([1])

اس لیے آج وقت ہے، اچھا یہی ہے کہ آج بلکہ ابھی سچی پکّی تَوْبَہ کر لیں، گُنَاہ چھوڑ دیں اور پکّی نیت کر لیں کہ *اب کبھی گُنَاہ نہیں کریں گے *اب ہماری کوئی نماز قضا نہیں ہو گی *رمضان کریم کے روزے بھی پُورے رکھیں گے *زکوٰۃ فرض ہوتی ہے تو وہ بھی پُوری پُوری ادا  کر دیں گے *چہرے پر سُنّتِ مصطفےٰ بلکہ سُنّتِ انبیا یعنی داڑھی شریف بھی پُوری ایک مٹھی سجائیں گے *فلمیں ڈرامے دیکھنے، گانے سننے کی بجائے مَدَنی چینل کے عِلْمِ دین سے   بھر پُور پروگرام دیکھا کریں گے *نعتیں سُنا کریں گے * تِلاوت کیا اور سُنا کریں گے۔اِنْ شَآءَ اللہ الْکَرِیْم!

اللہ پاک ہمیں عمل کی توفیق نصیب فرمائے۔ اٰمِیْن بِجَاہِ خَاتَمِ النَّبِیّٖن  صَلَّی اللہ عَلَیْہِ وَ آلِہٖ وَسَلَّم ۔

شَبِّ  براءَت کے چند نوافِل

پیارے اسلامی بھائیو! آئیے! آخِر میں شبِ براءَت میں پڑھے جانے والے چند نوافِل کے مُتَعلِّق  سُنتے ہیں۔

مغرب کے بعد 6 نوافل

اولیائے کرام  رحمۃُ اللہ علیہم کے مَعْمُوْلات سے ہے کہ مَغْرِبْ کے فرض و سُنّت و غیرہ کے بعد 6 رکعت نفل  2،2 رکعت کر کے ادا کیے جائیں *پہلی 2 رکعتوں سے پہلے یہ نیّت