پر...!! حديثِ پاڪ تي غور فرمايو! حقيقت ۾ اڳتي وڌندڙ، ٻين کان سبقت کڻي ويندڙ ڪير آهي؟ فرمايائون: یَا مُعَاذُ! اِنَّ السَّابِقِیْنَ الَّذِیْن یَسْتَہْتِرُوْنَ بِذِکْرِ اللہِ يعني اي معاذ! (حقيقت ۾) اڳتي نڪري وڃڻ وارا ته اهي آهن جيڪي ذڪرُ الله جو تمام گهڻو شوق رکن ٿا. ^[1]

 ڪاش! اسان کي به هن معاملي ۾ واقعي ٻين کان اڳتي نڪرڻ جي سعادت نصيب ٿي وڃي.

ماههِ شعبان ”نئين عملي سال“ جو مهينو

   الحمد لله! شعبان شريف جي آمد ٿي چڪي آهي، تمام فضيلت وارو مهينو آهي، هن مبارڪ مهيني جي فضيلت تي قربان وڃجي! جو محبوبِ رحمٰن، مڪي مدني سلطان صَلَّى اللهُ عَلَيْهِ وَاٰلِهٖ وَسَلَّم هن مقدس مهيني کي پنهنجو مهينو فرمايو آهي، ارشاد ٿيو: شَعْبَانُ شَہْرِیْ و رَمْضَانُ شَہْرُ اللہِ يعني شعبان منهنجو مهينو آهي ۽ رمضان الله پاڪ جو مهينو آهي.^[2]

 پيارا اسلامي ڀائرو! شعبان شريف جي اهم ترين ڳالهه هيءَ آهي ته هن مهيني ۾ نئين اعمالنامن جو آغاز ٿيندو آهي.

  اسان وٽ نئين سال جي آغاز جا مختلف انداز آهن، جيئن: * نئون اسلامي سال محرم شريف کان شروع ٿيندو آهي* نئون عيسوي سال جنوري کان شروع ٿيندو آهي* اهڙي طرح نئون تعليمي سال شروع ٿيڻ جو مهينو ٻيو آهي* نئون معاشي سال شروع ٿيڻ جو مهينو ٻيو آهي* ائين ئي سمجهو ته شعبان شريف اهو مهينو آهي، جنهن جي 15 تاريخ تي اسان جي اعمالنامن جو نئون سال شروع ٿيندو آهي. روايتن موجب 14 شعبان شريف جي مغرب