Book Name:Zikr ul Allah Ke 40 Faide
سفر ڪندا آهيون، روڊ تي ڪيتريون ئي گاڏيون هونديون آهن، اسان آرام سان وڃي رهيا هوندا آهيون ته ڪا گاڏي اسان جي ڀرسان تيزيءَ سان اچي ڪري گذري ويندي آهي. اها ڳالهه بظاهر معمولي آهي پر محبوبِ ذيشان، مڪي مدني سلطان صَلَّى اللهُ عَلَيْهِ وَاٰلِهٖ وَسَلَّم ان بظاهر معمولي ڳالهه کي به فڪرِ آخرت ڏانهن موڙي ڇڏيو، حضرت معاذ رَضِىَ اللهُ عَـنْهُ ۽ سندن وسيلي سان اسان گنهگارن جي تربيت فرمائي ته اي مُعاذ...!! جيئن اڄ هي ماڻهو گهوڙا ڊوڙائي اڳتي نڪري ويا، هاڻي نظر به نٿا اچن، قيامت جي ڏينهن به ائين ئي ٿيندو، ڪيترائي ماڻهو هوندا جيڪي تيزيءَ سان ٻين کان اڳتي نڪري جنت ۾ پهچي ويندا، اهي حقيقت ۾ اڳتي وڌڻ وارا آهن ۽ هيءُ شان انهن خوش نصيبن جو هوندو، جيڪي ذڪرُ الله جو گهڻو شوق رکندڙ آهن. سُبحان الله...!!
اسان جهڙن عام انسانن جو هڪ نفسياتي مسئلو آهي، اسان ريس (ڊوڙ) تمام گهڻي لڳائيندا آهيون، عربي ۾ ان کي مُسَابَقَه چيو ويندو آهي، يعني هڪ ٻئي کان اڳتي وڌڻ جي ڪوشش ڪرڻ.
توهان معاشري تي غور ڪريو! هڪ طرح جي اڳتي وڌڻ جي ڊوڙ لڳل آهي،*فلاڻي مھانگو موبائل ورتو، مان ان کان به مھانگو وٺندس*فلاڻي 5 هزار وارو لباس پاتو، مان 10 هزار وارو پائيندس* فلاڻي ٻن منزلن وارو گهر ٺاهيو، مان چار منزلون ٺاهيندس*فلاڻي هڪ گاڏي ورتي، مان ٻه وٺندس* فلاڻي هڪ ڪاروبار شروع ڪيو، مان چئن هنڌن تي شروع ڪندس، ائين هڪ ٻئي کان اڳتي وڌڻ جي ڊوڙ چاهيندي يا نه چاهيندي لڳل ئي آهي. اسان ٻين کان اڳتي وڌڻ جي ڪوشش ۾ لڳل ئي رهندا آهيون.