ذِڪۡرُ الله جا 40 فائدا

جو بے مثال آپ کا ہے تقوٰی، تو بے مثال ہے آپ کا فتوٰی

ہیں علم و تقوٰی کے آپ سَنْگَم، اِمامِ اعظم ابوحنیفہ!^{(^[1])}

حضرت ڪَعبُ الاَحبار رَحْمَةُ اللهِ عَلَيْه جيڪي تابعي بزرگ آهن: فرمائن ٿا: مون اڳوڻن آسماني ڪتابن ۾ هن امت جي عالمن ۽ فقيهن جا نالا پڙهيا آهن، انهن ۾ نُعمان بن ثابت نالي عالِم جو ذڪر به موجود هو. انهن جي باري ۾ لکيل هو ته: هي پنهنجي زماني جي تمام اهلِ علم جا امام هوندا، سندن شخصيت علم جي آسمان تي چوڏهينءَ جي چنڊ وانگر چمڪندي، ماڻهو سندن زندگيءَ تي به رشڪ ڪندا ۽ سندن وفات تي به رشڪ ڪندا.^{^[2]}

امامِ اعظم رَحْمَةُ اللهِ عَلَيْه جي پياري سيرت

امامِ اعظم جا خاص شاگرد امام ابو يوسف رَحْمَةُ اللهِ عَلَيْه فرمائن ٿا: (1): امامِ اعظم هميشه حرام ڪمن کان بچندا هئا، (2):علمِ دين کانسواءِ ٻي ڪا ڳالهه ڪرڻ کان ڊڄندا هئا، (3): تمام گهڻو مجاهدو (يعني نيڪ ڪمن ۾ ڪوشش) فرمائيندا هئا (4):دنيا دارن جي انهن جي منهن تي تعريف نه ڪندا هئا (5):اڪثر خاموش رهندا هئا (6):ديني مسئلن ۾ غور و فڪر ڪندا رهندا هئا (7):تمام سادا ۽ نرم مزاج هئا (8):پاڻ کان جڏهن ڪو سوال پڇندو هو ته قرآن ۽ حديث مان ان جو جواب ڳوليندا هئا (9):طبيعت مبارڪ ۾ لالچ بلڪل نه هئي(10):۽ ڪنهن جو به ذڪر ڪندا هئا ته ڀلائيءَ کانسواءِ ڪجهه نه فرمائيندا هئا. ^{^[3]}

[1]...وسائلِ بخشش، صفحہ:573ملتقطاً۔

[2]... مناقب ابی حنیفہ للموفق، الباب الثانی فی ذکر الاخبار...الخ، جز:1، صفحہ:20-21۔

[3]...الخیرات الحسان،الفصل الرابع و العشرون،صفحہ:82 ملتقطًا۔

Important

Mobile Apps

Contact Us