جو خلاصو بيان ڪندي لکن ٿا: يعني اي محبوب صَلَّى اللّٰهُ عَلَيۡهِ واٰلِهٖ وَسَلَّم! توهان جي صحابهءِ ڪرام رَضِىَ اللهُ عَنْهُم ۾ پهريان مهاجر ۽ انصار ۽ اهي ماڻهو جيڪي ڀلائيءَ سان انهن جي پيروي ڪن (مثال طور تابعينِ ڪرام رَحۡمَةُ اللهِ عَلَيْهم) انهن جو شان اهو آهي ته الله پاڪ انهن کان راضي ٿي ويو ۽ اهي ماڻهو الله پاڪ کان راضي ٿي ويا (ته الله پاڪ کين غربت، اميري، صحت يا بيماري، جنهن به حال ۾ رکي، اهي ان تي راضي آهن، ڪڏهن به ڪنهن شيءِ جي شڪايت ناهن ڪندا). الله پاڪ انهن لاءِ اهڙيون جنتون تيار ڪيون آهن جن جي هيٺان نهرون جاري آهن، اهي انهن جنتن ۾ سدائين رهندا، هي نعمتون ملڻ تمام وڏي ڪاميابي آهي.^[1]

  سُبْحٰنَ اللہ!  نيڪ صالح تابعين جو ڪهڙو نه عظيم شان آهي...!! الحمدلله! اسان جا امام، امامِ اعظم رَحْمَةُ اللهِ عَلَيْه اهڙا ئي آهن. پاڻ صحابهءِ ڪرام رَضِىَ اللهُ عَنْهُم    جي خوب پيروي ڪئي، انهن کان علمِ دين سکيو، انهن جي سيرت جي نقشِ قدم تي هليا. صحابهءِ ڪرام رَضِىَ اللهُ عَنْهُم کان رهنمائي وٺي سڄي زندگي عبادت، رياضت ۽ دين جي خدمت ڪندي گذاريائون. هميشه الله پاڪ جي رضا تي راضي رهيا، ڪڏهن به ڪنهن حال ۾ شڪوه نه ڪيائون، بس رحمٰن ۽ رحيم رب جي رضا جا طلبگار رهيا. تنهنڪري اِنْ شَاءَ اللهُ الْکَرِيْم! الله پاڪ کيس راضي آهي ۽ پاڻ جنتي آهن، بلڪه الله پاڪ چاهيو ته سندن صدقي اسان گنهگارن جي به بخشش ٿي ويندي.

ہو نائبِ سرورِ دو عالم، اِمامِ اعظم ابوحنیفہ!

سِراجِ اُمّت فقیہِ اَفْخَم، اِمامِ اعظم ابوحنیفہ!