امامِ اعظم رَحْمَةُ اللهِ عَلَيْه جو ذِڪرِ خير

   پيارا اسلامي ڀائرو! 2 شعبان شريف تي امامُ الۡائمه، امامِ اعظم، امام ابوحنيفه رَحْمَةُ اللهِ عَلَيْه جو عرس مبارڪ آهي. اچو ته برڪت حاصل ڪرڻ لاءِ سندن ذڪرِ خير ٻڌون ٿا:

امامِ اعظم رَحْمَةُ اللهِ عَلَيْه جو مختصر تعارف

 سِراجُ الاُمَّه (يعني امت جو روشن سج)، اِمَامُ الآئِمَّه حضرت امامِ اعظم ابوحنيفه رَحْمَةُ اللهِ عَلَيْه جو مُبارڪ نالو: نعمان، سندن والد صاحب جو نالو: ثابت، جڏهن ته ڪنيت: ابوحنيفه آهي. اهڙي طرح سندن پورو نالو: ابوحنيفه نعمان بن ثابت آهي. امامِ اعظم رَحْمَةُ اللهِ عَلَيْه 70 هجريءَ ۾ عراق جي مشهور شهر ڪوفي ۾ پيدا ٿيا ۽ 80 سالن جي عمر ۾ 2 شعبان المعظم 150 هجريءَ تي وفات ڪيائون. سندن مزار مبارڪ بغداد شريف ۾ آهي.^[1]

  اميرِ اهلسنت دَامَـتْ بَـرَكَـاتُـهُـمُ الْـعَـالِـيَـهْ، امامِ اعظم رَحْمَةُ اللهِ عَلَيْه جو شان بيان ڪندي لکن ٿا:

ہو نائبِ سرورِ دو عالَم، اِمامِ اعظم ابوحنیفہ!

سراجِ اُمّت فقیہِ اَفْخَم، اِمامِ اعظم ابو حنیفہ!

ہے نام نُعمان ابنِ ثابِت، ابو حنیفہ ہے ان کی کنیت

پکارتا  ہے   یہ   کہہ   کے  عالم،  اِمامِ  اعظم    ابوحنیفہ!([2])

  وضاحت: امامِ اعظم امام ابوحنيفه رَحْمَةُ اللهِ عَلَيْه علم ۽ حڪمت ۾ رسولِ اڪرم صَلَّى اللهُ عَلَيْهِ وَاٰلِهٖ وَسَلَّم جا نائب آهن، امت لاءِ روشن سج آهن ۽ نهايت ئي ماهر مفتي ۽ عالمِ دين آهن.