بيان ٻڌڻ جون نيتون

  حديثِ پاڪ ۾ آهي: اِنَّمَا الْاَعْمَالُ بِالنِّیَّاتِ عملن جو دارومدار نيتن تي آهي.^[1]

   اي عاشقانِ رسول! سٺين نيتن سان عمل جو ثواب وڌي ويندو آهي. اچو! بيان ٻڌڻ کان پهريان ڪجهه سٺيون نيتون ڪري وٺون ٿا، نيت ڪريو:* الله پاڪ جي رضا لاءِ بيان ٻڌندس*  با ادب ويهندس* خوب توجھ سان بيان ٻڌندس۔* جيڪو ٻڌندس، ان کي ياد رکڻ، پاڻ عمل ڪرڻ ۽ ٻين تائين پهچائڻ جي ڪوشش ڪندس.

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

اڳتي وڌڻ وارو ڪير...؟

   پيارا اسلامي ڀائرو! حضرت مُعاذ بن جبل رَضِىَ اللهُ عَـنْهُ عظيمُ الشان صحابي آهن، پاڻ اهڙي شان جا مالڪ آهن جو هڪ ڏينهن مڪي مدني سلطان صَلَّى اللهُ عَلَيْهِ وَاٰلِهٖ وَسَلَّمکين فرمايو: یَا مُعَاذُ اِنِّی لَاُحِبُّکَ يعني اي معاذ! بيشڪ مان توسان محبت ڪريان ٿو.^[2]

سُبْحٰنَ اللہ! ڪيڏو بلند شان آهي...!! مولانا حسن رضا خان رَحْمَةُ اللهِ عَلَيْه لکن ٿا:

اللہ کا محبوب بنے جو تجھے چاہے                                                               اس کا تو بیاں ہی نہیں کچھ تم جسے چاہو...!!^[3]

  وضاحت: يعني يارسولَ الله صَلَّى اللهُ عَلَيْهِ وَاٰلِهٖ وَسَلَّم! جيڪو توهان سان محبت ڪرڻ شروع ڪري، الله پاڪ کيس پنهنجو محبوب بڻائي ڇڏيندو آهي، هيءُ شان ته محبت ڪرڻ وارن جو آهي،  پوءِ ان خوش نصيب جو شان ڪيڏو اعليٰ