وڌيڪ عظمت وارو ڪير؟

    حضرت سَهل بن مُعاذ رَضِىَ اللهُ عَـنْهُ پنهنجي والد صاحب کان روايت ڪن ٿا: هڪ ڀيري نوري محفل سجيل هئي، رسولِ اڪرم، نورِ مُجسَّم تشريف فرما هئا، صحابهءِ ڪرام رَضِیَ اللهُ عَنْهُم به حاضر هئا، هڪ صحابي رَضِىَ اللهُ عَـنْهُ بارگاھِ رسالت ۾ حاضر ٿيا ۽ عرض ڪيائون: يارسولَ الله صَلَّى اللهُ عَلَيْهِ وَاٰلِهٖ وَسَلَّم! جهاد ڪندڙن ۾ وڏي عظمت وارو ڪير آهي؟ پياري آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم جن فرمايو: َکْثَرُہُمْ لِلّٰہِ ذِکْراً يعني جيڪو الله جو ذڪر تمام گهڻو ڪندو هجي، اهو وڌيڪ عظمت وارو آهي. صحابيءِ رسول رَضِىَ اللهُ عَـنْهُ ٻيو سوال ڪيو: يارسولَ الله صَلَّى اللهُ عَلَيْهِ وَاٰلِهٖ وَسَلَّم! روزيدارن ۾ وڌيڪ عظمت وارو ڪير آهي؟ (مثال طور 100 ماڻهو آهن ۽ 100 ماڻهن ئي روزو رکيو آهي، انهن مان وڌيڪ عظمت وارو ڪير آهي؟) پياري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم جن فرمايو: َکْثَرُہُمْ لِلّٰہِ ذِکْراً يعني جيڪو الله پاڪ جو ذڪر تمام ڪثرت سان ڪرڻ وارو هجي. اهو ئي وڌيڪ عظمت وارو آهي.

   حضرت سَهل بن معاذ رَضِىَ اللهُ عَـنْهُ فرمائن ٿا: اهي صحابي ائين ئي سوال ڪندا ويا، مثال طور يارسولَ الله صَلَّى اللهُ عَلَيْهِ وَاٰلِهٖ وَسَلَّم!نمازين ۾ وڌيڪ عظمت وارو ڪير آهي؟ زڪوات ڏيندڙن ۾ وڌيڪ عظمت وارو ڪير آهي؟ ائين ئي هڪ هڪ عبادت جي متعلق سوال ڪندا ويا، ۽ پيارا آقا، ٻنهي جهانن جا داتا صَلَّى اللهُ عَلَيْهِ وَاٰلِهٖ وَسَلَّم انهن سڀني سوالن جو هڪ ئي جواب ارشاد فرمائيندا رهيا: َکْثَرُہُمْ لِلّٰہِ ذِکْراً، َکْثَرُہُمْ لِلّٰہِ ذِکْراً  يعني جيڪو الله جو ذڪر سڀ کان وڌيڪ ڪندو آهي. اهو وڌيڪ عظمت وارو آهي، جيڪو الله پاڪ جو ذڪر ڪثرت سان ڪندو آهي، اهو وڌيڪ عظمت وارو آهي.

   مسلمانن جا پهريان خليفه، حضرت ابوبڪر صديق رَضِىَ اللهُ عَـنْهُ حاضر هئا، انهن حضرت عمر فاروق رَضِىَ اللهُ عَـنْهُ کي مخاطب ڪندي چيو: اي عمر! ائين ته ذڪرُ