Book Name:Zikr ul Allah Ke 40 Faide
يعني هيءَ فضيلت اڳين ڪنهن امت کي نه بخشي وئي جو اهي الله پاڪ جو ذڪر ڪن ته الله پاڪ انهن جو ذڪر فرمائي، هي صرف ۽ صرف اُمتِ مسلمه جو شانُ آهي جو اسان غلامانِ مصطفيٰ ذُڪرُ الله ڪيون ته الله پاڪ اسان جو ذڪر فرمائيندو آهي.
سُبحان الله! پيارا اسلامي ڀائرو: هونئن ته ذڪرُ الله جا بيشمار فضائل آهن، پر هڪ گهڙي جي لاءِ ٿورو غور فرمايو! مثال طور جيڪڏهن ذڪرُ الله جي ٻي ڪا فضيلت نه به هجي ها ته صرف هيءَ هڪ فضيلت ڪيڏي وڏي آهي...!! جيڪو الله پاڪ جو ذڪر ڪندو آهي، الله پاڪ ان جو ذڪر فرمائيندو آهي.
هاڻي مخلوق فريد فريد ڪري رهي آهي
پير مھر علي شاھ رَحۡمَةُ اللهِ عَلَيۡه جيڪي وڏي مرتبي وارا عالمِ دين، سيد زادا ۽ نهايت ئي ڪامل ولي آهن، پاڻ هر سال بابا فريد رَحْمَةُ اللهِ عَلَيْه جي مزار تي حاضري ڏيندا هئا، هڪ ڀيري پاڻ پاڪپتن کان تشريف کڻي ويا ته ڪنهن بدمذهب پڇي ورتو: توهان ته عالمِ دين آهيو، توهان به مزارُن تي ويندا آهيو؟ پير مهر علي شاھ صاحب رَحۡمَةُ اللهِ عَلَيْه جن فرمايو: مان هتي قرآني آيت جي تفسير اکين سان ڏسڻ ايندو آهيان. ان بدمذهب حيران ٿيندي پڇيو: ڪهڙي آيت جي تفسير؟ فرمايائون: الله پاڪ جو فرمان آهي:
فَاذْكُرُوْنِیْۤ اَذْكُرْكُمْ
ترجمو ڪنزُ العرفان: پوءِ توهان مون کي ياد ڪريو، مان توهان کي ياد ڪندُس،
(سيپارو: 2، سوره بقرة: 152)
بابا فريد رَحۡمَةُ اللهِ عَلَيْه اها هستي آهن، جن سڄي زندگي الله پاڪ جو ذڪر ڪندي