وضاحت: يعنې يا رسولَ الله صَلَّى اللهُ عَلَيْهِ وَاٰلِهٖ وَسَلَّم څوک چې ستاسو سره محبت شروع کړي، الله پاک هغه خپل محبوب جوړ کړي، دا شان خو د محبت کوونکو دے، بيا هٰغه خوش قِسمته د کوم سره چي تاسو محبت وفرمايۍ۔۔۔!! د هغۀ شان به څومره اعلیٰ وي۔۔۔!!

د حضرت مُعَاذ بن جبل رَضِىَ اللهُ عَـنْهُ د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د فيضان موندلو ډيرې موقعې نصيب شوې۔ پۀ هغې کښې ډير واقعات هغوئي پخپله هم بيان کړې۔ پۀ يو روايت کښې هغوئي فرمائي: يو ځل مونږ د رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم سره پۀ سفر روان وو۔

پۀ تللو تللو چي يو ځائے ته ورسيدو،  نو داسې وشو چې بعضې صحابۀ کرام رَضِىَ اللهُ عَـنْهُم پۀ اَسونو زغلولو ډير وړاندې لاړل او بعضې وروستو پاتې شول۔ زۀ د نبي کريم صَلَّى اللهُ عَلَيْهِ وَاٰلِهٖ وَسَلَّم  سره پۀ خوا خوا کښې روان ووم۔ پۀ دې باندې نبي کريم صَلَّى اللهُ عَلَيْهِ وَاٰلِهٖ وَسَلَّم وفرمائيل: یَا مُعَاذُ! اَیْنَ السَّابِقُوْنَ اے مُعَاذه! مخکښې تلونکي چرته دي؟ ما عرض اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! بعضې مخکښې تلي دي، بعضې وروستو راروان دي۔ رسول الله صَلَّى اللهُ عَلَيْهِ وَاٰلِهٖ وَسَلَّم اِرشاد وفرمائيلو: یَا مُعَاذُ! اِنَّ السَّابِقِیْنَ الَّذِیْن یَسْتَہْتِرُوْنَ بِذِکْرِ اللہِ يعنې اے مُعَاذه! (پۀ حقيقت کښې) مخکښې تلونکي خو هغه دي کوم چې د ذِکرُ الله ډير شوق لري۔ ^([1])

خوږو او محترمو اِسلامي وروڼو! غور اوکړئ چې څومره د سبق نه ډک روايت دے۔ پۀ دې کښې د رسولِ رحمت، شفيعِ اُمت صَلَّى اللهُ عَلَيْهِ وَاٰلِهٖ وَسَلَّم د تربيت انداز ته هم وګورئ!