د اورادو او وظيفو پۀ باره کښې مَدَني ګلونه

(1): د اِستقامت سره اوراد او وظيفې لوستل مستحب دي۔ ^([1]) (2): کله چې هم څۀ وظيفه کوئ نو د ثواب پۀ نيت يـې کوئ او هغه د الله پاک پۀ بارګاه کښې د حاجت د غوښتو د پاره وسيله جوړه کړئ۔ که صرف پۀ دې نيت مو وظيفه اوکړه چې زما کار پوره شي نو دا جائز ده خو د دې ثواب به نۀ کيږي ۔  (3): وظيفه دې صرف د جائز کار د پاره اوکړے شي د ناجائزه کار مثلاً د ښځې او خاؤند ترمينځه د جګړې وغيره د پاره وظيفه کول حرامه او ګناه ده۔ ^([2])  (4): اوراد او وظيفې بے اودسه هم لوستلے شې خو بهتره دا ده چې اودس اوکړے شي۔ (5): د کومو اورادو او وظيفو د پاره چې شميره ټاکلے شوې ده هغه دې هم پۀ هٰغه همره شميره کښې ولوستلے شي، قصداً عمداً پکښې څۀ کمے زياتے کول نۀ دي پکار۔ ^([3])

د اورادو او د وظيفو فائدې

* د اورادو او وظيفو کولو سره روحانيت زياتيږي * د اورادو او وظيفو سره مشکلات حل کيږي، بلاګانې لرې کيږي او پۀ رزق کښې برکت راځي * اوراد او وظيفې کول د الله پاک د ذِکر يوه ښکلې طريقه ده او * دا د کامِل اِيمان نخښه * د دُنيا او د اخرت د خير موندلو * د الله پاک د عذاب نه د نجات ميلاؤيدو * د درجو د اوچتيدو او * د زړۀ د صفايۍ سبب دے ^([4]) * اوراد او وظيفې کول د الله پاک پۀ بارګاه کښې د دُعا کولو بهترين انداز دے او * دُعا د عبادت مغز او * دُعا د رحمت کُنجي ده * دُعا د مسلمانانو وسله ده * دُعا د دِين ستن ده * دُعا د زمکې او د