د زده کولو او ښودلو د حلقو جدول

(1): پۀ مختلفو موضوعاتو باندې مختصر بيان: 5 منټه (2): دُعا یادول: 5 منټه                  (3): [د خپلو اعمالو] جائزه: 5 منټه، ټول وخت: 15 منټه۔

نن به د زده کولو او ښودلو پۀ حلقو کښې پۀ 72 نيک اعمال کښې د يو نيک عمل د           اورادو د لوستلو پۀ باره کښې ګټه ور معلومات درکولے شي او د کُفر او غريبۍ نه د پناه غوښتلو دُعا به هم يادولے شي۔ پۀ اخره کښې به د نيک اعمال رسالې نه اِجتماعي جائزه هم اخستے کيږي۔ اِنْ شَآءَ اللہُ الْکَرِیم!

د دُرُود شريف فضيلت

د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک دے:

د قيامت پۀ ورځ به د ټولو نه ما ته زيات نزدې هغه وي چا چې پۀ دُنيا کښې پۀ ما باندې زيات دُرُودِ پاک لوستلے وي۔ ^([1])

صَلُّوا عَلَی الْحَبِیب                                     صَلَّی اللهُ علٰی مُحَمَّد

نيک عمل نمبر 7

اميرِ اهلِسُنَّت دَامَتْ بَرَکَاتُہُمُ الْعَالِیَه مونږ ته د خپلې اِصلاح د پاره د سوالونو پۀ شکل کښې د شريعت او طريقت جامِع مجموعه نيک اعمال رساله عطا کړې ده د پاره د دې چې مسلمانان د دې سوالونو پۀ ذريعه د خپلو اعمالو جائزه واخلي او خپل اخرت ښه کړے شي۔ نن به مونږ د 72 نيک اعمال رسالې نه د نيک عمل نمبر: 7 پۀ باره کښې زده کوو۔  

نيک عمل نمبر: 7 آيا نن تاسو د شجرې نه څۀ نا څۀ اوراد ولوستل؟