خاص ڪري حضرت آدم عَلَيۡهِ السَّلَام ان جنتي وڻ جو ميوو کاڌو، اها ڳالهه ته وڏا پڙهيل لکيل ماڻهو به منفي انداز ۾ وٺندا آهن. مثال طور * پاڻ جنتي وڻ ڇو کاڌو؟ * کين ائين نه ڪرڻ گهرجي ها؟ * پاڻ گناهه ڪيائون؟ * ان جي ڪري اسان زمين تي آياسين وغيره وغيره. هڪ نبي عَلَیْهِ السَّلَام بابت اهڙيون ڳالهيون ڪرڻ تمام سخت آهي. ڪجھ صورتن ۾ اهڙين ڳالهين تي ڪفر جو حڪم به لڳي سگهي ٿو. ^([1]) اعليٰ حضرت رَحْمَةُ الـلّٰـهِ عَـلَيْه فرمائن ٿا: (عام گفتگو ۾) حضرت آدم عَلَیْهِ السَّلَام ڏانهن گناهه جي نسبت ڪرڻ حرام (۽ جهنم ۾ وٺي وڃڻ وارو ڪم آهي) بلڪ علماءِ ڪرام رَحْمَةُ الـلّٰـهِ عَـلَيْهم ان کي ڪفر فرمايو آهي. ^([2])

حضرت آدم عَلَیْهِ السَّلَام کان هرگز گناهه نه ٿيو

پيارا اسلامي ڀائرو! هي ڳالهه هميشه ياد رکو! ته حضرت آدم عَلَیْهِ السَّلَام جيڪو جنتي وڻ جو ميوو کاڌو، اهو هرگز هرگز گناهه نه هو، ان کي هڪ مثال سان ايئن سمجهو ته اسان روزو رکيو، هاڻي جيڪڏهن اسان هڪ گِرھ به ڄاڻي واڻي ڪري کائينداسين ته گناهه به ٿيندو ۽ شرطون موجود هجڻ تي ڪفارو به لازم ٿيندو پر جيڪڏهن اسان کي پنهنجو روزيدار هجڻ ياد نه رهي ته هڪ گِرھ نه، توڙي جو 4 مانيون به کائي وٺو، نه روزو ٽٽندو، نه گناهه ٿيندو، نه ئي ڪفارو لازم ايندو. يعني اهوئي ڪم جڏهن ڄاڻي واڻي ڪري، روزو ياد هوندي ڪيو ته ان تي گناهه به آهي، روزو به ٽُٽو، ڪفارو به لازم آيو پر اهوئي ڪم ويسَر ۾ ڪيو ته نه گناهه، نه ڪفارو...!! آخر ڇو؟ ان ڪري جو ويسَر معاف آهي. هاڻي سمجهو! حضرت آدم عَلَیْهِ السَّلَام کي جنتي وڻ جو ميوو کائڻ کان روڪيو ويو هو، هي بلڪل سچ آهي، اوهان منع ڪرڻ جي باوجود اهو ميوو کاڌو، هي به سچ آهي پر اوهان هي ميوو ياد هوندي نه کاڌو بلڪه الله پاڪ فرمائي ٿو: