وڏا حوض ٺاهيا ۽ سمنڊ مان ناليون ڇڪي حوض تائين آنديون، هفتي واري ڏينهن جڏهن مڇيون وڌيڪ ٿينديون هيون ته نالين جا منهن کولي ڇڏيندا هئا، مڇيون انهن نالين جي ذريعي حوض ۾ اچي وينديون هيون، ٻئي ڏينهن اهي انهن کي پڪڙي وٺندا هئا.

هي به الله پاڪ جي نافرماني ئي هئي، انهن صرف پنهنجي دل جي تسلي لاءِ ائين ڪيو، نه ته ظاهر آهي، مَڇيون پڪڙڻ منع هو، چاهي ڄار وجهي پڪڙين، چاهي حوض جي ذريعي قيد ڪري وٺن، ٻنهي صورتن ۾ مڇيون ته پڪڙيون ئي ويون. ان ڪري انهن کي سمجهايو ويو، دين جو درد رکڻ وارن انهن کي نيڪي جي دعوت ڏني، انهن کي ٻڌايو ته جيڪو اوهان ڪري رهيا آهيو، هي غير شرعي حيلو آهي، هي صرف هڪ بهانو آهي، اوهان الله پاڪ جي نافرماني ڪري رهيا آهيو پر اُهي نه مڃيا، الله پاڪ جي نافرماني ڪندا رهيا، گناهه ڇڏڻ ۽ توبھ ڪرڻ تي تيار نه ٿيا، آخر انهن جي مسلسل نافرماني جي سبب الله پاڪ جو قهر انهن تي نازل ٿيو، هڪ صبح جو ڏٺو ويو ته نافرمانن جا چهرا مسخ ٿي چڪا هئا ۽ اهي سڀ جا سڀ ڀولڙا بڻجي چڪا هئا. ^([1]) الله پاڪ هي عبرتناڪ واقعو قرآن ڪريم ۾ هن ريت ذڪر فرمايو:

وَ لَقَدْ عَلِمْتُمُ الَّذِیْنَ اعْتَدَوْا مِنْكُمْ فِی السَّبْتِ فَقُلْنَا لَهُمْ كُوْنُوْا قِرَدَةً خٰسِـٕیْنَۚ(۶۵)(سيپارو:1  البقرة: 65)

ترجمو ڪنزُ العرفان: ۽ يقينا توهان کي معلوم آهن اهي ماڻهو جن توهان مان ڇنڇر جي ڏينهن ۾ سرڪشي ڪئي، ته اسان انهن کي چيو ته تڙيل ڀولڙا بڻجي وڃو.

گر تُو ناراض ہوا میری ہلاکت ہو گی

ہائے میں نارِ جہنم میں جلوں گا یاربّ!

عَفو کر اور سدا کے لئے راضی ہوجا

گر   کرم   کر   دے   تو   جنّت   میں   رہوں   گا   یاربّ!^([2])