۾ تنهنجو دشمن ڪير آهي؟ شيطان چيو: اوهان جي امت ۾ منهنجا 15 دشمن آهن: (1): اوهان پاڻ (2): انصاف ڪرڻ وارو سلطان (3): عاجزي ڪرڻ وارو مالدار (4): سچو تاجر (جيڪو واپار ۾ دوکو نه ڪري، ماپ تور ۾ گهٽتائي نه ڪري، ڪوڙ نه ڳالهائي) (5): خوفِ خدا وارو عالِم (6): نصيحت ڪرڻ وارو مومن (7): رحم دل مسلمان (8): توبھ تي قائم رهڻ وارو (9): حرام ڪمن کان بچڻ وارو (10): هميشه باوضو رهڻ وارو مسلمان (11): گهڻو صدقو ڏيڻ وارو مسلمان (12): حسن اخلاق وارو مسلمان (13): ٻين کي فائدو پهچائڻ وارو (14): صاحبِ قرآن جيڪو گهڻو تلاوت ڪرڻ وارو (15): رات جو جڏهن ماڻهو سُتل هجن، ان وقت نماز پڙهڻ وارو. پياري آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم پڇيو: منهنجي امت ۾ تنهنجا دوست ڪير آهن؟ شيطان چيو: هي 10 آهن. (1): ظالم سلطان (2): تڪبر ڪرڻ وارو مالدار (3): خيانت ڪرڻ وارو تاجر (4): شرابي (5): چغلخور (6): زنا (يعني بدڪاري) ڪرڻ وارو (7): يتيم جو مال کائڻ وارو (8): نماز کي اهميت نه ڏيڻ وارو (9): زڪوات نه ڏيڻ وارو (10): ڊگهي اميد (يعني وڌيڪ عرصو زنده رهڻ جي اميد رکڻ) وارو، هي 10 قسم جا ماڻهو منهنجا دوست ۽ منهنجا ڀائر آهن. ^([1])

اي عاشقانِ رسول! هي 15 ماڻهو آهن جيڪي شيطان جا دشمن آهن ۽ 10 فرد آهن جيڪي شيطان جا دوست آهن. هاڻي اسان تي لازم آهي ته اسان شيطان جا دشمن بڻجون ان ڪري * عاجزي ڪرڻ وارا بڻجون * خريد و فروخت ۾ صفائي اختيار ڪريون يعني سچ ڳالهايون، ٺَڳي نه ڪيون * خوفِ خدا اپنايون * علمِ دين سکون * نيڪي جي دعوت عام ڪرڻ وارا بڻجون * رحم دلي اپنايون * توبه ڪريون ۽ ان تي قائم به رهون * حرام کان هميشه بچندا رهون * حسن اخلاق اپنايون * گهڻو صدقو ڏيندا ڪريون* باوضو رهڻ جي عادت بڻايون * مسلمانن کي فائدو پهچائيندا ڪريون* گهڻي تلاوت ڪندا ڪريون ۽ * رات جو جڏهن ماڻهو سُتل هجن، وڌيڪ نه ته گهٽ ۾ گهٽ 2 رڪعت نفل پڙهڻ جي عادت بڻائي وٺون. الله پاڪ اسان کي عمل جي توفيق نصيب فرمائي.

اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم 

صَلُّوْا عَلَی الْحَبیب!                                                صَلَّی اللّٰہُ عَلٰی مُحَمَّد