كَمَثَلِ الشَّیْطٰنِ اِذْ قَالَ لِلْاِنْسَانِ اكْفُرْۚ-فَلَمَّا كَفَرَ قَالَ اِنِّیْ بَرِیْٓءٌ مِّنْكَ اِنِّیْۤ اَخَافُ اللّٰهَ رَبَّ الْعٰلَمِیْنَ(۱۶)

(سيپارو: 28، الحشر: 16)

ترجموڪنزُالعرفان: جيئن شيطان جو مثال جڏهن ان انسان کي چيو: ”ڪفر ڪر“ پوءِ جڏهن ان ڪفر ڪري ورتو ته چيائين: بيشڪ مان توهان کان بيزار آهيان، بيشڪ مان ان الله کان ڊڄان ٿو جيڪو سڄي جهان جو رب آهي.

الله! الله! اي عاشقانِ رسول! غور فرمايو! شيطان ڪيترو خطرناڪ دشمن آهي...!! ان بدبخت جي چاهت ئي اها آهي ته اسان کي راھ جنت کان روڪي جهنم جو حقدار بڻائي ڇڏي. ان ڪري عقلمند اهو ئي آهي جيڪو ان بدبخت کي پنهنجو دشمن ڄاڻي ۽ ان جي چالن کان بچندو رهي.

جاهل ۽ عقلمند جي سڃاڻپ

بزرگ فرمائن ٿا: عقلمند جي نشاني هي آهي ته هو سچي دوست ۽ دشمن جي سڃاڻپ رکندو هجي ۽ جاهل جي علامت هي آهي ته جنهن کي سچي دوست ۽ دشمن جي سڃاڻپ نه هجي...!! ^([1])

مطلب هي آهي ته الله پاڪ کي اسان جي ڀلائي مطلوب آهي، ربِ ڪريم اسان لاءِ قرآن لاٿو، اسان لاءِ نبي رحمت صَلَّى اللّٰهُ عَلَيۡهِ واٰلِهٖ وَسَلَّم کي رَحْمَۃٌ لِّلْعَالَمِیْن     بڻائي موڪليو، هي سڀ ان لاءِ ته جيئن اسان جهنم کان بچي جنت جا حقدار بڻجي وڃون پر شيطان بدبخت آهي، هي اسان جو کليو دشمن آهي، اهو ته چاهي ئي هي ٿو ته اسان جهنم جي راهه تي هلي پئون، ان ڪري عقلمند اهو ئي آهي جيڪو شيطان کي ۽ ان جي دشمني کي سڃاڻي. اسان کي گهرجي ته عقلمندي جو مظاهرو ڪريون ۽ شيطان کي پنهنجو کُليو دشمن تسليم به ڪيون ۽ ان جا دشمن بڻجي ڪري ئي رهون.

شيطان جو دشمن بڻجڻو آهي پر ڪيئن....!!

حضرت وهب بن منبه رَحۡمَةُ اللهِ عَلَيۡه فرمائن ٿا: هڪ دفعي رسولِ ذيشان، مڪي مدني سلطان صَلَّى اللّٰهُ عَلَيۡهِ واٰلِهٖ وَسَلَّم شيطان کان پڇيو: اي ملعون! منهنجي امت