دیکھو! اللہ ناراض ہو جائے گا             بھائیو! تم کبھی چھوڑنا مت نماز^([1])

د الله پاک د ديدار کولو وظيفه

خوږو او محترمو اِسلامي وروڼو! مونږه واوريدل چې الله پاک د مِعراج پۀ شپه خپل خوږ محبوب صَلَّی اللہ عَلَیْہِ وَ آلِہٖ وَ سَلَّم ته د خپل ديدار شرف عطا کړلو او صرف يو ځل نۀ بلکې رسولِ ذِيشان، مکي مَدَني سلطان صَلَّی اللہ عَلَیْہِ وَ آلِہٖ وَ سَلَّم د يو نه زيات ځل د الله پاک د ديدار شرف حاصل کړو۔ دلته دا خبره ياد ساتئ چې پۀ دُنيا کښې پۀ ويښه، د سر پۀ سترګو باندې الله پاک ليدل، صرف او صرف زمونږه د خوږ آقا و مولا، مکي مَدَني مصطفٰے صَلَّی اللہ عَلَیْہِ وَ آلِہٖ وَ سَلَّم خصوصي شان دے، د نبي کريم صَلَّی اللہ عَلَیْہِ وَ آلِہٖ وَ سَلَّم نه علاوه پۀ دُنيا کښې څوک هم پۀ ويښه د سر پۀ سترګو د الله پاک ديدار نشي کولے۔ البته پۀ دُنيا کښې د خوب پۀ حالت کښې د الله پاک ديدار نصيب کيدل ممکن هم دي او د ډيرو علمائے کرامو دا شرف نصيب شوے هم دے، مثلاً زمونږه د امام، امامِ اعظم ابو حنيفه رَحْمَةُ اللهِ عَلَيْه پۀ خوب کښې د الله پاک ديدار نصيب شوے، ^([2]) د امام احمد بن حنبل رَحْمَةُ اللهِ عَلَيْه پۀ خوب کښې 100 کرته د الله پاک د ديدار سعادت نصيب شوے۔ ^([3])

مدعا دا ده چې پۀ دُنيا کښي د خوب پۀ حالت کښې د الله پاک ليدل ممکن دي، مونږ له هم پکار دي چې پۀ خپل زړۀ کښې د الله پاک د ديدار کولو شوق زيات کړو۔ پۀ حديثِ پاک کښې دي: مَنْ اَحَبَّ لِقَاءَ اللہ اَحَبَّ اللہ لِقَائَہٗ څوک چې د الله پاک سره ملاقات خوښوي، الله پاک د هغۀ ملاقات خوښوي۔ ^([4])