میں روزہ رکھتے نہ دیکھا، آپ صَلّی اللہ عَلَیْہ وآلِہ وسَلَّم سِوائے چند دِن کے پورے ہی ماہ کے روزے رکھا کرتے تھے۔^([1]) (4):ایک مرتبہ آپ صَلّی اللہ عَلَیْہ وآلِہ وسَلَّم کی خدمت میں سُوال ہوا: رمضان کے بعد کون سے روزے اَفْضَل ہیں؟ فرمایا: رمضان کی تعظیم کے لیے شعبان کے روزے رکھنا۔^([2])

پیارے اسلامی بھائیو! اَلْحَمْدُ للّٰہ!عاشقانِ رسول کی دینی تنظیم دعوتِ اسلامی کے دینی ماحول میں شعبان شریف میں بھی روزوں کی بہار ہوتی ہے، مختلف مقامات پر سحری اجتماعات کا بھی اہتمام کیا جاتا ہے، مَاشَآءَ اللہ! کئی عاشقانِ رسول کثرت سے روزے رکھتے ہیں اور مسلسل روزے رکھتے ہوئے رمضان کریم سے مِل جاتے ہیں۔ آپ بھی دعوت اسلامی کے دینی ماحول سے وابستہ ہو جائیے اِنْ شَآءَ اللہ الْکَرِیْم!فیضان معراج کے ساتھ ساتھ شعبان شریف اور رمضان کریم کی خوب خوب برکتیں نصیب ہوں گی اللہ پاک عمل کی توفیق نصیب فرمائے۔

اٰمِیْن بِجَاہِ خَاتَمِ النَّبِیّٖن  صَلَّی اللہ عَلَیْہِ وَ آلِہٖ وَ سَلَّم ۔

اعتکاف کی ترغیب

اَلْحَمْدُ للّٰہ! ماہِ رمضان بھی آنے والا ہے۔ رمضان شریف بہت برکتوں والا مہینا، ماہِ رحمٰن، ماہِ نزولِ قرآن اور ماہِ غفران ہے۔

عَجِّلْ عَجِّلْ یَارمضان                                                                                                                  جان مِری تجھ پر قربان

آ بھی جا ماہِ سُبْحٰن                          جلدی جلدی آ رمضان

جب بھی آتا ہے رمضان                  جان میں آجاتی ہے جان